ကိုယ့် Boss ကို ဘယ်လို Manage လုပ်မလဲ

“Manage My Boss” ဆိုတဲ့ ခေါင်းစဉ်ကြီးဖတ်လိုက်ရလို့ တမျိုးကြီးဖြစ်သွားမယ်ထင်ပါတယ်။ သို့ပေမယ့် ကျွန်တော် အခုပြောပြမယ့် “How to Manage your Boss” က Management အကြောင်း လေ့လာတဲ့အခါတွေမှာလည်း ပါဝင်လေ့ရှိသလို အပြင်လုပ်ငန်းခွင်မှာလည်း တကယ်အရေးပါတဲ့ ကိစ္စရပ်ပါပဲ။

ကိုယ်ကိုယ်တိုင်က Middle Management Level လို့ပြောကြတဲ့ Manager ဖြစ်နေမယ်၊ ကိုယ့်အောက်မှာ Team Members တွေရှိသလို၊ ကိုယ့်အပေါ်မှာလည်း ကိုယ် Report လုပ်ရတဲ့ Senior Manager သော်လည်းကောင်း၊ Head သော်လည်းကောင်း၊ C-Level သော်လည်းကောင်း ကိုယ့် Boss ရှိမယ်ပေ့ါ။ Management Term အရဆိုရင် ကိုယ့် Team ကို Manage လုပ်ရတာကို “Managing Down” or “Downward Management” လို့ ခေါ်ပြီး၊ ကိုယ့် Boss ကို Manage လုပ်တာကို “Managing Up” or “Upward Management”လို့ခေါ်ပါတယ်။ အဲ့တော့ အခုဆွေးနွေးမှာက Upward Management အကြောင်းပါ။

အိုကေ… ကိုယ့် Boss ကို ဘယ်လို Manage လုပ်တာလဲ???
ကိုယ်က Manage လုပ်ခံရမှာမဟုတ်ဘူးလား???
ကိုယ့်အတွက်ရော ဘယ်လို အကျိုးရှိမှာလဲ???

“Boss ကို Manage လုပ်တယ်ဆိုတာ ဘာလဲ” ကနေ စရအောင်ပါ။
Boss ကို Manage လုပ်တဲ့ အဓိက Goal က Boss ကို အပြည့်အဝ Support လုပ်ဖို့ဖြစ်ပါတယ်။ ဘာကြောင့် Support လုပ်ရမှာလဲ ဆိုရင်တော့ သူရော၊ ကိုယ်ရောအတွက်ပါ။ ကိုယ့် Boss အောင်မြင်ရင်၊ သူ့ရဲ့အထက်လူကြီးတွေရှေ့မှာ ပွဲလည်တင့်ရင် သူနဲ့ တစ် Team ထဲ ကိုယ်တွေအတွက်လည်း အောင်မြင်တာပါပဲ။ ဒါ့အပြင် ကိုယ့် Boss နဲ့ Relationship ကောင်းတည်ဆောက်နိုင်ပြီး၊ Micro-Management လုပ်ခံရခြင်းကနေ ဝေးစေနိုင်ပါတယ်။ ရေရှည် Project ကောင်းကောင်းတွေ အဆင်ပြေပြေ တွဲလုပ်နိုင်မယ်။ ရှေ့တက်လမ်းအတွက်လည်း အထောက်အပံ့ကောင်း ဖြစ်လာနိုင်ပါသေးတယ်။

ချုံပြောရရင် ကိုယ့် Boss ကို Manage လုပ်တယ်ဆိုတာ ပထမဆုံးသူ့ကို Support ကောင်းကောင်းလုပ်မယ်၊ သူနဲ့ Relationship တစ်ခုတည်ဆောက်မယ်၊ သူ ကိုယ့်အပေါ်မြင်တဲ့ အမြင်တွေကို အကောင်းဘက် ပြောင်းလဲလာအောင်လုပ်မယ် ဆိုတဲ့ အချက်တွေပါပဲ။

Boss ကို Manage လုပ်တယ်ဆိုတာဘာလဲ ကိုသိပြီးရင် ဘယ်လိုလုပ်မလဲဆိုတာကို ဆွေးနွေးကြည့်ရအောင်။ ဘယ်လို Manage လုပ်မလဲဆိုတာမှာ အများကြီးတော့ မပြောတော့ဘူး။ အဓိက ကျွန်တော့်အမြင် နှစ်ချက်ကို ဝေမျှချင်ပါတယ်။

ပထမအချက်က – ကိုယ့် Boss ကနေ ကိုယ့်ကို Delegate လုပ်ရလွယ်အောင် လုပ်ပေးပါ။ ကိုယ်က Manager တစ်ယောက်ဖြစ်နေပြီ၊ Manager တစ်ယောက်ဆိုတဲ့အတိုင်း ကိုယ့် Team အပေါ်ပဲဖြစ်ဖြစ်၊ Task အပေါ်ပဲဖြစ်ဖြစ် Decision ချရတာတွေရှိမယ်။ အဲ့ဒီအချိန် Decision တိုင်းကို Boss ဆီက Approval ယူနေတယ်ဆိုရင် ရေရှည် နှစ်ယောက်လုံးပင်ပန်းမယ်။ အဲ့အစား “Be Confident” ကိုယ် ချနိုင်တဲ့ Decision ချ၊ ပြီးတော့မှ Boss ကို Summary တင်ပြတာ ပို အလုပ်သွက်သလို၊ ကိုယ့် Boss နဲ့ Relationship တစ်ခု တည်ဆောက်ပြီးသားလည်း ဖြစ်စေပါတယ်။

လူဆိုတာ အမှားနဲ့မကင်းနိုင်ပါဘူး။ အပေါ်က ပြောသလို Decision ကိုယ့်ဘာသာကိုယ် ချ လိုက်တယ်၊ ပြီးတော့ Issues တွေတတ်ကုန်တယ်ဆိုရင်ကော? ကျွန်တော် Manager စဖြစ်ခါစက ပြဿနာတက်ရင် Boss ကိုချဉ်းကပ်ပြီး လုပ်ပါဦးလို့ အကူအညီတောင်းလေ့ရှိတယ်။ အခုပြန်စဉ်းစားကြည့်တော့ အဲ့အပြုအမူမျိုးက တော်တော်မှားပါတယ်။ Manager တစ်ယောက်တာဝန်ယူပြီးကတည်းက ကိုယ့် အမှိုက်ထုပ် ကိုယ်ရှင်းဖို့ ကြိုးစားရမှာကို သတိမဝင်ခဲ့မိဘူး။ ဒါက ကိုယ့် Bossရဲ့ ကိုယ့်အပေါ် ယုံကြည်မှုတွေ၊ အားကိုးမှုတွေ လျော့သွားစေနိုင်ပါတယ်။ ဒါကြောင့် ကျွန်တော့်လို အမှားမျိုးတော့ မကျူးလွန်မိဖို့တော့ အကြံပေးချင်ပါတယ်။

နောက်တစ်ခုက ချသင့်တဲ့ Decisioin ချဆိုရာမှာ ကိုယ့် Boss ရဲ့ ကြိုက်နှစ်သက်တဲ့ Working Style ကိုလည်း လေ့လာဖို့ မမေ့ပါနဲ့။ Boss လို့ပြောရင် Micro-Manage လုပ်တတ်တဲ့ Boss တွေရှိသလို၊ Macro-Manage လုပ်တာကို ကြိုက်တဲ့ Boss တွေလည်း ရှိတတ်ပါတယ်။ Micro-Manage လုပ်တတ်တဲ့ Boss ဆိုရင်တော့ အရင်ဆုံး သူ့ကို ပုံမှန် Report တင်၊ သူလုပ်စေချင်တာတွေကို Attention လုပ်၊ လက်ရှိအခြေအနေကို သူသိအောင် ပြောပြီး Adapt လုပ်ရပါမယ်။ သူ့ဆီကနေ Trust နဲ့ Respect ကို အရယူနိုင်လာရင် Micro-Manage လုပ်တာလည်း လျော့လာပါလိမ့်မယ်။ နဂိုတည်းက Macro-Manage ပုံစံသွားတဲ့ Boss တွေဆိုရင်တော့ ကိုယ့်ရဲ့ Daily Task တွေ အသေးစိတ် သွားပြောနေတာထပ်၊ Project Overview Status တွေ Update လုပ်တာ၊ Project ကို Support လုပ်သွားမယ့် Plan နဲ့ Vision အကြောင်းတွေ ဆွေးနွေးတာက ပိုကောင်းပါလိမ့်မယ်။

ပထမအချက်ကို အတိုချုပ်ရရင် ကိုယ့် Boss အကြောင်းသိအောင်အရင်လုပ်၊ ပြီးရင် ကိုယ့် Taskတွေ၊ Decision တွေကို သူ့ဝန်ဖြစ်အောင်မလုပ်မိဖို့၊ အမြဲ Boss နဲ့ Keep-in-touch (Report) လုပ်ဖို့ ကြိုးစားပြီး ကောင်းမွန်တဲ့ Work Relationship တစ်ခုရအောင် တည်ဆောက်သင့်ပါတယ်။

ဒုတိယတချက်ကတော့ ကိုယ့် Boss အနားမှာ လိုတဲ့အချိန် သူ့ကို ကူညီနိုင်တာ ကူညီပေးဖို့ပါ။ သူ ဘာအခက်အခဲတွေရှိလဲ Formal ကော၊ Informal ကော မေးပါ။ ကိုယ် ကူညီနိုင်မယ့် အခက်အခဲတွေတွေ့ရင် သူလာပြောတဲ့အထိမစောင့်ဘဲ ကိုယ်က Proactive ဖြစ်ပြီး အရင်ချဥ်းကပ်ပါ။ Boss နဲ့ Relationship ကောင်းရှိခြင်းက ကိုယ့် နေ့စဥ်အလုပ်တွေမှာလည်း အဆင်ပြေချောမွေ့စေသလို၊ Career တက်လမ်းမှာလည်း အထောက်အကူရနိုင်ပါသေးတယ်။ ဒီမှာတစ်ခုသတိထားရမှာက သူ့အခက်အခဲတွေကို ကူညီရာမှာ ကိုယ်က Annoy လုပ်တဲ့လူ မဖြစ်သွားဖို့ပါ။ ကိုယ်က သွားပြီး ဒါလုပ်ပေးမယ် ဒီလိုလုပ်လိုက်မယ်ဆိုတာထပ် တစ်ခုခုကူညီသင့်တယ်ထင်ရင် သူ့ကို အရင်မေး၊​ သူစဉ်းစားနေတာတွေကို နားထောင်ပြီးမှ အကြံဉာဏ်ဖြစ်စေ၊ အကူအညီဖြစ်စေ ပေးခြင်းက ပိုကူညီရာ ရောက်ပါလိမ့်မယ်။

အဓိက ဒီနှစ်ချက်ကို Try ကြည့်မယ်ဆိုရင် မိတ်ဆွေ၊ သင်ဟာ Good Manager တစ်ယောက်အနေနဲ့ Upward Management ကို လုပ်ဆောင်တာပဲဖြစ်ပါတယ်။ နောက်ဆုံးတစ်ခု ဝေမျှချင်တာကတော့ “Only invest in a Boss that you respect” ပါ။ မဟုတ်ရင် Manager တစ်ယောက်ရဲ့ Career မှာ အချိန်ဖြုန်းရာကျပါလိမ့်မယ်။

ဖတ်ပေးတဲ့အတွက် ကျေးဇူးတင်ပါတယ်။

==============

နောက်ထပ် ဖတ်ချင်တဲ့ Topic တွေရှိရင်လည်း ဒီ Google Form ကနေတဆင့် အကြံပေးနိုင်ပါတယ်။ ProductBaze မှ Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ ProductBaze အကြောင်း (၁) မိနစ်စာ မိတ်ဆက် post ကို ဒီ Link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။