အလွယ်ကူဆုံး Product Growth Hack

Digital Product တွေများလာတာနဲ့အမျှ ဖန်တီးသူတွေ၊ Service ပေးနေသူတွေအတွက်တော့ Market ထဲတိုးပေါက်ဖို့ ခက်ခဲလာတာအမှန်ပါပဲ။ နာမည်ရှိပြီး Brand တွေက Product Line အသစ်အနေနဲ့ ထုတ်ပြီး စျေးကွက်ကို အုပ်စိုးဖို့ကြိုးစားကြတော့ Startup ဖြစ်ဖြစ်၊ SME ပြောပြော စျေးကွက်ထဲကနေ နေ့ညမရွေးပျောက်ကွယ်သွားတတ်တယ်၊ ဒါမှမဟုတ်လည်း လက်ရှိအခြေအနေကနေ စျေးကွက်ထဲ နှစ်နဲ့ချီကြာ ဒီအတိုင်း ရပ်တန့်နေတတ်တယ်။

ကျွန်တော့်လို Product Manager အတွက်လည်း ကိုယ့် Product ကို စျေးကွက်ထဲ ကောင်းကောင်းလှုပ်ရှားနိုင်အောင် အကြံပေါင်းစုံစဉ်းစားရလေ့ရှိပါတယ်။ Product Growth မြန်မြန်သွက်သွက်ရအောင် ကျွန်တော်တို့တွေဘာတွေ လုပ်ကြမလဲ။

Niche Strategy ကိုလေ့လာကြည့်ရအောင်။

Niche Strategy ဆိုတာ ကိုယ့် Product (သို့) Service ကိုတကယ်သုံးနိုင်မယ့် Market ထဲက Customer အားလုံးကို Target မထားဘဲ User Group / Customer Group တစ်ခုကို ချိန်မှတ်ပြီး စျေးရောင်းတာကိုဆိုလိုတာပါ။

အကျိုးဆက်အနေနဲ့ ကိုယ့် Company က စျေးကွက်ထဲက အကောင်ကြီးကြီးတွေနဲ့ ယှဉ်နေစရာမလိုဘူး။ Less Competition ဖြစ်စေတယ်။ ကိုယ့် Product ကအသစ်ဆိုရင် ဒီ Customer Group ကို ကောင်းကောင်း Service ပေးပြီး သူ့တို့ဆီက Customer Feedback တွေကို မြန်မြန်ဆန်ဆန် ရယူနိုင်တယ်။ နောက်တစ်ခုက ဒီ Customer Group ကို သေချာ Service ပေးနိုင်တော့ သူတို့ရဲ့ ယုံကြည်အားပေးမှုကို သက်တမ်းရှည်ကြာ ရယူနိုင်တာပေါ့။

Niche တွေက အမျိုးမျိုးရှိနိုင်တယ်။

၁။ Customer Niche
Customer Group ရဲ့ အသက်၊ လူမျိုး၊ ကျားမ၊ ဝင်ငွေ၊ ဘဝနေထိုင်မှုပုံစံ စသဖြင့် သတ်မှတ်ပြီး Target ထားတာကို Customer Niche လို့ခေါ်ကြတယ်။ ဥပမာ ကိုယ့် Product က အသက် ၁၈ ကနေ အသက် ၄၀ ရှိသူ မိခင်တွေကို Target ထားပြီး စျေးရောင်းတာမျိုး။

၂။ Geographic Niche
မြို့၊ နိုင်ငံ၊ ဒေသ စသဖြင့်ကို Geographic Niche လို့သတ်မှတ်ကြတယ်။ ဥပမာ ကိုယ့် Product ကို မန္တလေးက အသိတွေကိုပဲ အရင်ရောင်းတာမျိုး။

၃။Customer Needs Niche
Customer Group ရဲ့ နေ့စဉ်လိုအပ်တာတွေကို ဖြည့်စည်းပေးတာကို ဆိုလိုတယ်။ ဥပမာ Customer က မနက် ရုံးသွားဖို့ Transportation လိုတဲ့အခါ Grab က သူ့ရဲ့ လိုအပ်ချက်ကို ဖြည့်ဆည်းပေးတာ။

၄။ Product Niche
Physical Product တွေကို ဖြည့်ဆည်းပေးတာကို ဆိုလိုပါတယ်။ ဥပမာ Coffee အစစ်ကြိုက်တဲ့ Customer တွေကို မြန်မာပြည်တွင်းထုတ် Genius Coffee က Coffee မှုန့်တွေ Packaging နဲ့ ရောင်းတာမျိုး။

၅။ Distribution Niche
Last Mile Distribution လိုမျိုး Customer တွေအတွက် ဖြည့်ဆည်းပေးတာကို ဆိုလိုတယ်။ ဥပမာ Covid ဖြစ်နေတုန်း စားသောက်ဆိုင်က အစားအစာကို အိမ်တိုင်ရာရောက် သယ်ယူပို့ဆောင်ပေးတဲ့ Food Panda လိုမျိုး။

Niche အမျိုးအစားတွေအကြောင်းသိပြီးရင် ဘယ်လို Product Growth မြန်မြန်ဖြစ်အောင် ကြိုးစားမလဲဆိုတာကို လေ့လာကြမယ်။

၁။ ကိုယ်ရွေးလိုက်တဲ့ Niche က စျေးရောင်းလို့ ကောင်းရမယ်။ ဒီမှာ ပြောချင်တာက Customer Size ကိုပြောတာပါ။ Customer Group / Niche ကိုတော့သတ်မှတ်လိုက်ပြီ ရောင်းနေရတာက Customer ငါးယောက်ထဲဆိုရင်တော့ အလုပ်မဖြစ်ဘူးလေ။ အဲ့တော့ ကိုယ့် Niche က စီးပွါးရေးလုပ်လို့ ကောင်းအောင် Size ရှိရမယ်။

၂။ ရွေးပြီးရင် ပစ်မထားဖို့။ ကိုယ့် Competitor အကြီးတွေက ကိုယ်ရွေးလိုက်တဲ့ Niche ကို အာရုံမစိုက်နိုင်သေးတဲ့အခါ ကိုယ်က ဒီ Advantage ကိုယူပြီး Customer တွေကို ကောင်းကောင်း Service ပေးဖို့၊ စျေးပဲရောင်းနေတာမဟုတ်ဘဲ သူတို့ရဲ့ Feedback တွေကို ကောင်းကောင်းနားထောင်ဖို့ပါ။

၃။ အမြဲ Loyal ဖြစ်အောင်ကြိုးစားဖို့။ သူတို့ရဲ့ စကားသံတွေနားထောင်ပြီးပြီ။ သူတို့ကိုလည်း ကောင်းကောင်း Service ပေးနေပြီဆိုရင် ကိုယ့်ရဲ့ Premium Service တွေနဲ့မိတ်ဆက်ဖို့ပါ။ ဘာကြောင့်လဲဆိုတော့ သူတို့တာ တကယ် Loyal Customer ဖြစ်နိုင်ချေရှိရင် ကိုယ့်ရဲ့ Service အသစ်တွေကိုလည်း တကယ် ဝယ်သုံးကြမှာဖြစ်တယ်။ အကယ်၍ အင်တင်တင်ဖြစ်နေရင်လည်း ဒီ Customer တွေကို ပိုပြီး ဂရုစိုက်ရမယ်ဆိုတာ သိသွားမယ်။

ဒါက ကိုယ့် Product Growth ကို မြန်မြန်သွက်သွက် ရောက်အောင်ဘယ်လိုပို့မလဲဖြစ်တယ်။ Big Competitor တွေနဲ့ မတူညီတဲ့ Niche Strategy ရွေးမယ်။ အပေါ်က ပြောထားတဲ့ အချက် ၃ ချက်ကို Try ကြည့်မယ်။ ဒါဆိုရင် ကိုယ့်ဆီမှာ ကပ်နေမယ့် Customer တွေရှိဖို့ Chance များလာမှာပါ။ စမ်းကြည့်ကြည့်ပါဦး။

ထပ်သိချင်တာရှိရင် (သို့မဟုတ်) အတွေ့အကြုံဝေမျှချင်တာရှိရင် Comment ပေးခဲ့ပေးပါ။ ဖတ်ပေးလို့ ကျေးဇူးတင်ပါတယ်။နောက်ထပ် ဖတ်ချင်တဲ့ Topic တွေရှိရင်လည်း ဒီ Google Form ကနေတဆင့် အကြံပေးနိုင်ပါတယ်။ ProductBaze မှ Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ ProductBaze အကြောင်း (၁) မိနစ်စာ မိတ်ဆက် post ကို ဒီ Link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။