၅ မိနစ်စာ Product Management

ကျွန်တော် Product Management Career ကိုစဝင်တော့ အမေးများဆုံးက “Product Manager ကဘာလဲ” ဆိုတာပါပဲ။ အဲ့ဒီ Product Manager ဘာလဲ ဆိုတာကို ProductBaze ရဲ့ Blog တွေ စရေးတည်းကရေးဖြစ်သလို ခုနောက်ပိုင်း ကျွန်တော်တို့ရဲ့ Course တွေ၊ Podcast တွေထဲမှာ အမြဲတမ်းထည့်ပြောရလေ့ရှိတယ်။ ပြန်ဖတ်ချင်တဲ့သူတွေအတွက် ဒီ ဆောင်းပါးတွေမှာ ဖတ်နိုင်ပါတယ်။

• Product Manager အမျိုးအစားများ
• Product Manager နဲ့ Project Manager ဘယ်လိုကွာလဲ
• သင်က B2B Product Manager ဆိုရင်

ဒီတစ်ခေါက်ဆောင်းပါးမှာတော့ ဒုတိယ အမေးအများဆုံးဖြစ်တဲ့ “Product Management ကို ဘယ်လိုလုပ်တာလဲ” ဆိုတာကို ဝေမျှပေးချင်ပါတယ်။ စာဖတ်သူတို့လည်း မပျင်းရအောင် Product Management ဘယ်လိုလုပ်ကြမလဲကို ၅ မိနစ်စာအကျဉ်းချုပ်ပြီး ပြောပြပါမယ်။

Product Manager တစ်ယောက်အနေနဲ့ အလုပ်စလုပ်ပြီဆိုပါစို့။

အရင်ဆုံး မိမိ Product ကို သိဖို့ အရင်ကြိုးစားရပါတယ်။ ပထမဆုံး မိမိ Product တွေကို Breakdown (ခွဲခြား) ပြီး လေ့လာရပါတယ်။ ဥပမာ - Customer သုံးတဲ့ Mobile App ကတစ်ခု၊ Operations သုံးတဲ့ System ကတစ်ခုစသဖြင့်ပေါ့။ ဒီ Platform (သို့မဟုတ်) Product တွေကို ကိုယ်ကိုယ်တိုင် စမ်းကြည့်၊ သုံးကြည့်ရပါမယ်။

Product တွေကို ကောင်းကောင်း လေ့လာပြီးတဲ့အခါမှာတော့ နောက်တစ်ဆင့်အနေနဲ့ Product Roadmap တည်ဆောက်ဖို့ပါ။ Product Roadmap ဆိုတာ Planning လုပ်တာပါပဲ။ ကိုယ့် Product ကို အောင်မြင်ချင်ရင် Plan ဆွဲပြီး Strategy သေသေချာချာချတာ အကောင်းဆုံးပါပဲ။ Product Roadmap ဆွဲနည်းများစွာရှိပါတယ်။ ကျွန်တော်ကတော့ “Now-Next-Later” Roadmap ကို သုံးတာများပါတယ်။ Roadmap တစ်ခုထဲမှာ ထည့်မယ်ဆိုရင် –

1. အဓိက Core Features (သင့် Business က အဓိက Service ပေးတဲ့ Features များ)
2. Strategic Features (သင့် Product ကို ပိုမိုကောင်းစေမယ့် Features များ (ဝင်ငေွအရရော၊ ပြိုင်ဖက်အရရော)
3. Quality Features (သင့် Product မှာရှိတဲ့ ပြုပြင်သင့်တဲ့ Features များ (Error တွေ၊ Technical Debt တွေ) 

ဆိုပြီး Group သုံးခု ခွဲပါတယ်။
အဲ့တော့ Feature Request တွေလာရင် ဒီ Group တစ်ခုခု ထဲကို ပြေးပြီးထည့်ပါတယ်။ ဒီလိုထည့်တာက Strategy ကျကျစဉ်းစားတဲ့အခါ အထောက်အကူပြုဖို့ပါ။

မေးခွန်းက ဒီ Roadmap ထဲထည့်မဲ့ Features တွေက ဘယ်ကလာမှာလဲပေါ့… ဒါက တတိယတဆင့်ဖြစ်ပါတယ်။ Features Request တွေကို Record လုပ်ရမယ့် အဆင့်ပါ။ Feature Request တွေက နေရာပေါင်းစုံကလာနိုင်ပါတယ်။ Customer တွေဆီက လာနိုင်သလို၊ Internal (Department ပေါင်းစုံ) ကလည်းလာနိုင်ပါတယ်။ Product Manager တစ်ယောက်အနေနဲ့ အဲ့ Feature Request တွေကို Filter လုပ်ပြီး Record လုပ်ရပါတယ်။ Customer ဆီက Feature Request လာရင် အဲ့ Feature က Customer ဘယ်နယောက်ကြုံတွေ့နေရတာလဲဆိုပြီး လေ့လာပါတယ်။ Customer များများ ကြုံတွေ့ရတဲ့ အခက်အခဲတွေကို Feature Request အဖြစ် Record လုပ်ပါတယ်။ Internal ကလာရင်တော့ Request လုပ်တဲ့ Department Goal ပေါ်မူတည်ပြီး Feature Request တွေကို Record လုပ်ရပါတယ်။ ဥပမာ...ဒီ Request က သူတို့ရဲ့ Day-to-day အလုပ်တွေကို Blocker ဖြစ်စေလား၊ Work-around Solution ရော ရှိလားဆိုပြီး ချင့်ချိန်ရပါတယ်။

ဖြေရှင်းသင့်တဲ့ Features တွေ ရှိလာပြီဆိုရင်တော့ နောက်တဆင့်အနေနဲ့ Prioritize လုပ်ရပါတယ်။ Product Manager တစ်ယောက်အနေနဲ့ အရေးကြီးဆုံးအဆင့်ထဲက တစ်ခုလို့ ကျွန်တော်ထင်ပါတယ်။ ဘယ်လို Prioritize လုပ်ကြလဲဆိုတာကိုတော့ Feature Prioritization ဆောင်းပါး မှာ လေ့လာနိုင်ပါတယ်။

နောက်တစ်ဆင့်ကတော့ မိမိ Product Roadmap ကို Company က Stakeholder တွေ Present လုပ်ပြရပါတယ်။ မိမိ Product Roadmap ကသူတို့ရဲ့ Expectation နဲ့ သွားချင်တဲ့ Business Goal နဲ့ Align ဖြစ်ရဲ့လားဆိုတာကို အကျိတ်အနယ်ဆွေးနွေးကြပါတယ်။ နောက်ဆုံးမှာ မိမိ ဆက်သွားနိုင်တဲ့ Product Roadmap ရပါပြီ။ ဒီထိဆို Product Management ရဲ့ လုပ်ငန်းဆောင်တာက 50%ပြီးပြီ ပြောလို့ရပါတယ်။

နောက် 50% ရဲ့ အစကတော့ Development လုပ်ဖို့ Ready Stage လုပ်ရတာပါ။ ဆိုလိုတာက Roadmap ထဲက Features တွေကို Development Team နဲ့ ဆက်ဆွေး‌နွေးဖို့ User Stories တွေ၊ Epics တွေ၊ PRD တွေအဖြစ်ပြောင်းလဲရပါတယ်။ Documentation လုပ်တာပေါ့။

ပြီးပြီဆိုရင် Development Team နဲ့ထိုင်၊ Priortize လုပ်ထားတဲ့ Product Roadmap ကိုပြ၊ ပြီးရင် သူတို့ နဲ့အတူ Sprint Planningလုပ်ရပါတယ်။ ဘယ် Sprint မှာ ဘာကိုထည့်လို့ရတယ်၊ ဘယ်လို ခွဲလို့ရတယ်ဆိုတာတွေကို အသေးစိတ်ဆွေး‌နွေးရပါတယ်။ Roadmap က General Overview ဆိုရင် Sprint Planning က Detailed Overview ပါ။

Sprint Planning ကိုတော့ ဒီအချက်တွေကို ကြည့်ပြီး ဒီ Sprint ထဲမှာ ထည့်သင့် မထည့်သင့် ဆုံးဖြတ်ကြလေ့ရှိပါတယ်။

1. User က Block ဖြစ်နေပြီလား။
2. Issue or Feature က Impact ကြီးနိုင်လား။
3. Develop လုပ်ဖို့ အချိန်ကြာကြယူနိုင်လား ဆိုပြီး ခွဲကြပါတယ်။

Develop လုပ်နေတဲ့ အချိန်မှာ Product Manager အနေနဲ့ Sprint / Product Status ကို Communicate လုပ်ရပါတယ်။ Communication က Product Manager အတွက်တော့ အရမ်းအရေးကြီးပါတယ်။ ဖြစ်နိုင်ရင် Monthly သို့မဟုတ် Bi-weekly Meeting တွေကို Feature Owner တွေ၊ Executives တွေနဲ့အတူ Keep Informed လုပ်သင့်ပါတယ်။ ဒီနေရာမှာ Product Manager တစ်ယောက်အနေနဲ့ နောက်တစ်ခု Involve လုပ်ရတာကတော့ Release Plan or Go-To-Market Plan ပါ။

အဲ့ဒါတွေ အားလုံးပြီးသွားရင် နောက်ဆုံးအဆင့်အနေနဲ့ Post Release ကို Catch-Up လုပ်ရတာပါပဲ။ ဒီနေရာမှာအသက်ကတော့ Data (Qualitative + Quantitative) တွေနဲ့ Feature က ကောင်းကောင်းအလုပ်လုပ်နေလားဆိုတာကို ဆန်းစစ်ရတာပါ။ Executive Management ကို Powerpoint ဖြစ်ဖြစ် Present ပြ၊ Team Training လုပ်ရမယ်ဆို User Guide တွေလုပ်၊ Internal Announcment လုပ်ရမယ်ဆိုရင် Release Email ရေး၊ နောက် Feature Improvement တွေရှိရင် Documentation ထဲထည့် စသဖြင့် လုပ်ရပါတယ်။ အဓိကကတော့ Everything Under Controll ဖြစ်နေဖို့ပါ။

ဒါတွေက Product Management ဘယ်လိုလုပ်ကြလဲဆိုတာကို အကျဉ်းချုပ်ဖော်ပြပေးထားတာပါ။ တတ်နိုင်သလောက် ချုံငုံရေးထားတာမို့ နည်းနည်းတော့ များနေပါလိမ့်မယ်။ ဒါအကုန်ပဲလားဆိုရင် မဟုတ်သေးပါဘူး။ Design ပိုင်းတွေ၊ Data Analysis ပိုင်းတွေ၊ Customer Interview တွေစသဖြင့် Job ပေါ်မူတည်ပြီး ပါဝင်ရတာတွေလည်းရှိပါတယ်။ ကျွန်တော်ဖော်ပြထားတဲ့ အဆင့်တွေကိုလေ့လာကြည့်ရင် Product Management ဘယ်လိုလုပ်လဲဆိုတာကို တီးခေါက်မိမယ်ထင်ပါတယ်။ ထပ်ပြီး ဖတ်ရှုချင်သေးရင်တော့ ProductBaze ကို Follow လုပ်ထားဖို့လည်း Request လုပ်ပါတယ်။ ProductBaze မှာ Product နဲ့ Business ပိုင်းဆိုင်ရာတွေကို Blog၊ AudioBook၊ Course၊ Webinar တွေလုပ်ပြီးဝေမျှလေ့ရှိပါတယ်။

ဖတ်ပေးတဲ့အတွက်....ကျေးဇူးတင်ပါတယ်။

----

နောက်ထပ် ဖတ်ချင်တဲ့ Topic တွေရှိရင်လည်း ဒီ Google Form ကနေတဆင့် အကြံပေးနိုင်ပါတယ်။ ProductBaze မှ Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ ProductBaze အကြောင်း (၁) မိနစ်စာ မိတ်ဆက် post ကို ဒီ Link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။

Follow us on Facebook and Linkedin for the latest updates.