Skip to main content

Product Launch ဘယ်လိုလုပ်ကြမလဲ



ဒီတစ်ခါတော့ Digital Product တွေ Launch လုပ်တာနဲ့ ပတ်သက်ပြီး ပြောပြချင်ပါတယ်။

Mobile App ဖြစ်စေ၊ Website ဖြစ်စေ ကျွန်တော်တို့ Digital Product တစ်ခုကို အချိန်ယူ Develop လုပ်ပြီးသွားတဲ့ ကျန်ရှိတဲ့အဆင့်ကတော့ Launch လုပ်ဖို့ပါ။ Product ကို Market ထဲ / သုံးမယ့် Users တွေ လက်ထဲကို ထည့်ပေးတာ (Launch လုပ်တာ) က Company အတွက်ရော Product Team အတွက်ပါ အရေးပါတဲ့အချိန်ဖြစ်ပါတယ်။ Launch လုပ်တယ်ဆိုတဲ့နေရာမှာ Product အသစ်လည်း ဖြစ်နိုင်သလို၊ ရှိပြီးသား Product ကို နောက် Version တစ်ခု ထပ်ထုတ်တာမျိုးလည်း ဖြစ်နိုင်ပါတယ်။ Public ကို Launch လုပ်တာဖြစ်နိုင်သလို၊​ Internal သုံးတဲ့ Product ကို ကိုယ့် Company အတွင်းမှာ Launch လုပ်တာလည်း ဖြစ်နိုင်ပါတယ်။


မိမိ Product ကို Launch လုပ်တော့မယ်ဆိုရင် ဘယ်လိုပုံစံနဲ့ Launch လုပ်မှာလဲ၊ ဘယ်နည်းလမ်းက အကောင်းဆုံးဖြစ်မလဲကို Product Manager အနေနဲ့ ရွေးချယ်ရပါတယ်။ အစ-အဆုံး Develop လုပ်ပြီးမှ တစ်ခါတည်း Launch အကြီးကြီးလုပ်မှာလား၊ တဖြည်းဖြည်း နည်းနည်းစီ Launch လုပ်မှာလားဆိုတဲ့ ရွေးချယ်မှုတွေပါ။ Term တွေနဲ့ပြောရရင်တော့
  • Big Bang Launch နဲ့
  • Phased Launch (Small Launch) တို့ဖြစ်ပါတယ်။
နည်းလမ်း တစ်ခုချင်းစီက အားသာချက်၊ အားနဲချက်တွေ ရှိနိုင်တာမို့ Launch Approach ရွေးချယ်တဲ့အခါ ကိုယ့် Business၊ ကိုယ့် Product နဲ့ ဘယ်နည်းလမ်းက အသင့်တော်ဆုံးဖြစ်မလဲဆိုတာ ရွေးချယ်ဖို့ အရေးကြီးပါတယ်။

Big Bang Launch ကတော့ Product တစ်ခုလုံးကို အစ-အဆုံး အချိန်ယူ Develop လုပ်၊ ပြီးမယ့်ရက်ကို သတ်မှတ်၊ အကုန်ကြိုတင်ပြင်ဆင်ပြီး Launch လုပ်တာမျိုးပါ။ Market ထဲ / သုံးမယ့် User တွေလက်ထဲကို သတ်မှတ်ထားတဲ့ရက်မှာ Product တစ်ခုလုံး ထည့်ပေးလိုက်တာဖြစ်ပါတယ်။ မြင်သာတဲ့ ဥပမာကတော့ Apple တို့၊ Microsoft တို့လို Company ကြီးတွေက Product အသစ်မိတ်ဆက်တဲ့အခါမျိုးပါ။

Product အသစ်ဆိုရင်လည်း တစ်ချိန်တည်းမှာ Launch လုပ်လိုက်တာ၊ Product အဟောင်းရှိရင်လည်း Version အသစ်ဆီ တစ်ချိန်တည်းမှာ လုံးဝ ပြောင်းလိုက်တာဖြစ်လို့ Product အတွက်ရော၊ Company အတွက်ရော Risk များပါတယ်။ Product ကလည်း လုံးဝ Ready ဖြစ်နေဖို့ လိုအပ်ပါတယ်။ Product Team ရော၊ Customer နဲ့ တိုက်ရိုက်ထိတွေ့မယ့် Support Team တွေကို ကြိုတင်ပြင်ဆင်မှုတွေ၊ Training တွေ အများကြီးလုပ်ဖို့လိုအပ်သလို၊ ရုတ်တရက် တက်လာတဲ့ Customer Feedback တွေအတွက် Resource Allocation လည်း ကောင်းကောင်းလုပ်ထားဖို့ လိုအပ်ပါတယ်။ ဒါ့အပြင် Plan A ကောင်းကောင်း အလုပ်မလုပ်ခဲ့ရင် ဘယ်လိုလုပ်မလဲဆိုတဲ့ Plan B ကိုပါ Product Team အနေနဲ့ ပြင်ဆင်ထားသင့်ပါတယ်။ ဒီလောက် Resource များများ၊ ပြင်ဆင်မှု များများလိုအပ်ရင် Big Bang Launch က Startup တွေအတွက် မသင့်တော်ဘူးဆိုတာတော့ အထူးပြောဖို့ မလိုဘူးထင်ပါတယ်။

Risk များရက်နဲ့ Big Bang Launch ကို ရွေးချယ်ကြတဲ့ အကြောင်းတွေလည်း ရှိပါတယ်။ Product တစ်ခုလုံးကို Launch အကြီးကြီးလုပ်လိုက်တာက Market ထဲမှာ စိတ်ဝင်စားမှုကို ပိုရယူနိုင်ပါတယ်။ ကိုယ်လုပ်နေတဲ့ Product အကြောင်းကို မထွက်ခင်အထိ Competitors တွေကို ကြိုမသိစေချင်တာမျိုးတွေမှာလည်း Big Bang Launch ကို အသုံးပြုကြရပါတယ်။

Phased Launch (Small Launch) က Product ကို Phase တွေ အများကြီးပိုင်းပြီး တစ်ပိုင်းချင်းစီ ထုတ်သွားတာပါ။ Product Team နဲ့ Customer Support Team တွေလည်း တစ်ကြိမ်စီမှာ ထုတ်မယ့် Feature နည်းနည်းချင်းစီကိုပဲ အာရုံစိုက်စရာလိုတော့ Customer Feedback တွေကိုလည်း ကောင်းကောင်း Handle လုပ်နိုင်ပါတယ်။ Company ဘက်ကလည်း Resource အများကြီး ထားပေးစရာ မလိုတော့ဘူးပေ့ါ။ Customer ဘက်က ကြည့်ရင်လည်း နည်းနည်းချင်း သုံးရင်းနဲ့ အသားကျပြီး နောက်ဆုံးမှာ Product တစ်ခုလုံးကို ရတဲ့အခါ အဆင်ပြေပြေ သုံးနိုင်ပါတယ်။ Product အသစ်ကြီးရလိုက်ပြီး Error တွေ များနေတာ၊ ဘယ်နားနှိပ်ရမှန်းမသိ၊ ဘာလုပ်ရမှန်း မသိတာမျိုးတွေ မဖြစ်တော့ဘူးပေ့ါ။ Risk ကို တတ်နိုင်သလောက် လျှော့ချနိုင်တဲ့ Launch Approach ပါ။

Phased Launch မှာလည်း မြင်သာတဲ့ ဥပမာပြရရင် Facebook က 2020 မှာ Redesign ပြန်လုပ်တဲ့အခါ ရှိသမျှ Feature တွေ, UI တွေကို တစ်ခါတည်း Change လိုက်တာ မဟုတ်ဘဲ အသုံးများတဲ့ UI တွေ အရင် Change ပါတယ်။ သိပ်မသုံးတဲ့ UI တွေဆို ခုထိ အဟောင်းအတိုင်းပဲ ရှိသေးပြီး ဖြေးဖြေးချင်း ပြောင်းနေတုန်းပါ။ Startup တွေတင်မက Organization အကြီးတွေလည်း Phased Rollout ကို သုံးကြတယ်ဆိုတဲ့ သာဓကပါ။

Phased Launch က Risk နည်းပြီး တစ်ဆင့်ချင်း တစ်ဆင့်ချင်း ပိုကောင်းတဲ့ Product ကို ထုတ်သွားနိုင်တဲ့ အားသာချက်တွေရှိသော်ငြား ကြုံတွေ့ရတတ်တဲ့ အခက်အခဲတွေလည်း ရှိပါတယ်။ ဥပမာ - Executives တွေနဲ့ အခြား Internal Team တွေဖြစ်တဲ့ Sales တို့ Marketing တို့က တစ်ခါတည်းနဲ့ အပြီးထုတ်တာမျိုးကို ပိုလိုချင်တတ်ကြပါတယ်။ သူတို့ပဲမဟုတ်ပါဘူး။ Customer တွေကလည်း ခဏခဏ Product ကို ထုတ်ပေးနေတာထပ် တစ်ခါတည်း အကောင်းဆုံးကို ရချင်တတ်ကြပါတယ်။ ဒါ့အပြင် Phased Launch မှာက Product ရဲ့ Features တွေအကုန် Customer ဆီကို မရောက်သေးတာမို့ ROI ပြန်ရမယ့်အချိန်ကလည်း ပိုကြာနိုင်ပါတယ်။
-----

ဒါကတော့ Big Bang Launch နဲ့ Phased Launch တစ်ခုစီမှာ ထည့်သွင်းစဥ်းစားရမယ့် အားသာချက်၊ အားနည်းချက်တွေ ဖြစ်ပါတယ်။ Risk နည်းအောင် Phased Launch လုပ်ချင်သော်ငြား ကိုယ့် Company က Waterfall Model ကို သုံးနေရင်တော့ Agile နည်းလို Product ကို နည်းနည်းချင်း မထုတ်ပေးနိုင်တာကြောင့်… Big Bang Launch ဆီပဲ ပြန်ဦးတည်သွားတတ်တာကို သတိထားဖို့လိုအပ်ပါတယ်။ ဒါကလည်း Product Team တွေ ဘာလို့ Agile ကိုသုံးသင့်လဲဆိုတဲ့ အကြောင်းအရင်းတွေထဲက တစ်ခုဖြစ်ပါတယ်။

Product Manager အနေနဲ့ ကိုယ့် Product ကို ဘယ်လိုပုံစံနဲ့ Launch လုပ်သင့်လဲ၊ ကိုယ့် Product နဲ့ Company အတွက် ရလာနိုင်တဲ့ Risk တွေက ဘာတွေလဲ ကြိုတင်သုံးသပ်ပြီးမှ အသင့်တော်ဆုံး Launch အမျိုးအစားကို ရွေးချယ်သင့်ပါတယ်။

နောက်ထပ် ဖတ်ချင်တဲ့ Topic တွေရှိရင်လည်း ဒီ Google Form ကနေတဆင့် အကြံပေးနိုင်ပါတယ်။ ProductBaze မှ Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ ProductBaze အကြောင်း (၁) မိနစ်စာ မိတ်ဆက် post ကို ဒီ Link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။

Follow us on Facebook and Linkedin for the latest updates.

Comments

Popular Posts

SMART Goal ဘယ်လိုတည်ဆောက်မလဲ

Personal အတွက်ဖြစ်စေ၊ လုပ်ငန်းခွင်မှာဖြစ်စေ.. ရည်မှန်းချက်ကြီးမားတာ ကောင်းပေမယ့် ကိုယ်စိတ်ကူး ပေါ်ရာ ကိုယ်ဖြစ်ချင်ရာ ရည်မှန်းချက်တွေ ရမ်းသမ်းချမှတ်တာက လက်တွေ့မကျတဲ့၊ ချသာ ချမှတ်ထားပြီး အသုံးမဝင် Effective မဖြစ်တဲ့ ရည်မှန်းချက်တွေ ဖြစ်နေနိုင်ပါတယ်။ မဖြစ်နိုင်တဲ့ Goal နောက်ကိုလိုက်ရင်း ရင်းနှီးမြှုပ်နှံရတဲ့ အချိန်တွေ၊ ငွေကြေးတွေ၊ Resource တွေလည်း ဆုံးရှုံးမှုတွေဖြစ်စေနိုင်ပါတယ်။ “SMART Goal ဖြစ်ဖို့တော့ လိုမယ်နော်” ဆိုတဲ့ စကားမျိုး ကြားဖူးကြပါလိမ့်မယ်။ SMART Goal ဆိုတဲ့ concept ကို စီးပွားရေးလောက၊ Marketing အပြင် နယ်ပယ်အသီးသီးမှာ တွင်တွင်ကျယ်ကျယ်အသုံးပြုကြပါတယ်။ SMART Goal ဆိုတာ တိုတိုပြောရရင် တိကျရှင်းလင်းပြီး လက်တွေ့ကျတဲ့ Goal တွေချမှတ်ခြင်းလို့ ပြောနိုင်ပါတယ်။ မိမိ Business အတွက်၊ Product အတွက်၊ Team အတွက်၊ Personal အတွက် Goal တွေ ချမှတ်တဲ့အခါ လက်တွေ့ဖြစ်နိုင်ချေရှိတဲ့ ရည်မှန်းချက်ကို သေချာသတ်မှတ်ပေးနိုင်တဲ့ SMART Objective နည်းလမ်းကို သုံးကြည့်သင့်ပါတယ်။ SMART Goal ဆိုတာက ကိုယ့်ချမှတ်ရေးဆွဲမယ့် Goal တွေက S (Specific) - ဘာကိုရရှိအောင်လုပ်မယ်ဆိုတာ တိတိကျကျဖြစ်ရမယ် M (

ကိုယ့် Boss ကို ဘယ်လို Manage လုပ်မလဲ

“Manage My Boss” ဆိုတဲ့ ခေါင်းစဉ်ကြီးဖတ်လိုက်ရလို့ တမျိုးကြီးဖြစ်သွားမယ်ထင်ပါတယ်။ သို့ပေမယ့် ကျွန်တော် အခုပြောပြမယ့် “How to Manage your Boss” က Management အကြောင်း လေ့လာတဲ့အခါတွေမှာလည်း ပါဝင်လေ့ရှိသလို အပြင်လုပ်ငန်းခွင်မှာလည်း တကယ်အရေးပါတဲ့ ကိစ္စရပ်ပါပဲ။ ကိုယ်ကိုယ်တိုင်က Middle Management Level လို့ပြောကြတဲ့ Manager ဖြစ်နေမယ်၊ ကိုယ့်အောက်မှာ Team Members တွေရှိသလို၊ ကိုယ့်အပေါ်မှာလည်း ကိုယ် Report လုပ်ရတဲ့ Senior Manager သော်လည်းကောင်း၊ Head သော်လည်းကောင်း၊ C-Level သော်လည်းကောင်း ကိုယ့် Boss ရှိမယ်ပေ့ါ။ Management Term အရဆိုရင် ကိုယ့် Team ကို Manage လုပ်ရတာကို “Managing Down” or “Downward Management” လို့ ခေါ်ပြီး၊ ကိုယ့် Boss ကို Manage လုပ်တာကို “Managing Up” or “Upward Management”လို့ခေါ်ပါတယ်။ အဲ့တော့ အခုဆွေးနွေးမှာက Upward Management အကြောင်းပါ။ အိုကေ… ကိုယ့် Boss ကို ဘယ်လို Manage လုပ်တာလဲ??? ကိုယ်က Manage လုပ်ခံရမှာမဟုတ်ဘူးလား??? ကိုယ့်အတွက်ရော ဘယ်လို အကျိုးရှိမှာလဲ??? “Boss ကို Manage လုပ်တယ်ဆိုတာ ဘာလဲ” ကနေ စရအောင်ပါ။ Boss ကို Manage လုပ်တဲ့ အဓိက Goal က Boss ကို အပြည

Cross-Functional Team အကြောင်း တစေ့တစောင်း

Cross-functional Team ဆိုတာ အပြောလည်းများသလို အသုံးလည်းများပါတယ်။ Product Team တွေမှာလည်း Cross-functional Team ပုံစံကို တော်တော်များများ အသုံးပြုကြပါတယ်။ ProductBaze ဆောင်းပါးအချို့မှာလည်း ထည့်ရေးဖူးပြီး၊ Product Squad ဆောင်းပါးမှာ Squad တည်ဆောက်ပုံက Cross-functional Team ပုံစံကို အခြေခံတဲ့အကြောင်းရေးရင်းနဲ့ Cross-functional Team အကြောင်းလေးကိုပါ မိတ်ဆက်ပေးဖို့ ဖြစ်လာပါတယ်။ ပုံမှန် Organization တွေမှာ Department တွေ, Team တွေက လုပ်ငန်းသဘောသဘာဝ တူညီရာ (Tech, Marketing, Sales, Operation…) စသဖြင့် အသီးသီး ဖွဲ့စည်းထားကြပြီး ဖွဲ့စည်းပုံကလည်း အထက်ကနေ အောက် Hierarchy အတိုင်းဖြစ်ကြပါတယ်။ Decision တစ်ခုလိုအပ်ရင်လည်း Hierarchy အတိုင်း အပေါ်ကို ပြန်တက်ပြီး Request လုပ်ကြရသလို၊​ Company တစ်ခုထဲက Team အသီးသီးက အခြား Department တွေ ဘာလုပ်နေလဲဆိုတာ သိဖို့ ထင်သလောက် မလွယ်ကူပါဘူး။ Silos Team (တသီးတသန့် အလုပ်လုပ်တဲ့ Team) တွေ ဖြစ်လာပြီး Direction တွေ ညှိရခက်တတ်ပါတယ်။ Cross-functional Team ဆိုတာက Organization ထဲမှာ ကျွမ်းကျင်မှုမတူ (သို့မဟုတ်) ဌာနမတူတဲ့ လူတွေကို Team အနေနဲ့ဖွဲ့ပေးပြီး Project တစ်

အသုံးများတဲ့ Product Testing တွေ

Webinar တစ်ခုမှာ Product Testing တွေအကြောင်းထည့်ပြောတော့ နောက်ဆုံးအမေးအဖြေအချိန်မှာ အမေးခံရဖူးတာလေး မှတ်မှတ်ရရရှိလို့ပါ။ “A/B Testing ဆိုတာ Alpha Testing, Beta Testing ကို ပြောတာလား” ဆိုတဲ့ မေးခွန်းပါ။ သိတဲ့သူအတွက်တော့ ဘာမှမဆိုင်တဲ့ Testing တွေမှန်း တန်းသိနိုင်ပေမယ့် တစ်ဖက်မှာလည်း မေးလည်းမေးချင်စရာ အခေါ်အဝေါ်က ခပ်ဆင်ဆင်တူနေတာကိုးလို့ တွေးမိပါတယ်။ ဒါကြောင့် ဒီဆောင်းပါးမှာ မကြာမကြာလည်း ပြောဖြစ်ကြပြီး၊ အသုံးလည်းများ၊ အသုံးလည်းဝင်တဲ့ Alpha Testing, Beta Testing နဲ့ A/B Testing တို့အကြောင်းကို တီးမိခေါက်မိအောင် ရေးချင်ပါတယ်။ Feature Development တွေပြီးတဲ့အခါ Product Owner နဲ့ Development Team တွေ User Acceptance Testing (UAT) ကို အတူတကွ ပြုလုပ်ကြပါတယ်။ QA က အဓိက Test တာဖြစ်နိုင်ပေမယ့် အားလုံးက ပူးပေါင်းလုပ်ဆောင်ကြရတာပါ။ Product (သို့) Feature က UAT လည်းပြီးပြီ၊ Release လုပ်တော့မယ်လို့ စ Plan တဲ့အခါ Alpha Testing နဲ့ Beta Testing အခန်းကဏ္ဍဆီ ရောက်ပါတယ်။ Alpha Testing Alpha Testing ဆိုတာ လွယ်လွယ်ပြောရရင် ကိုယ့်လူနဲ့ကိုယ် အရင်စမ်းသပ်တဲ့ Testing အမျိုးအစားပါ။ မိမိရဲ့ Software

၅ မိနစ်စာ Product Roadmap

Product တစ်ခုစလုပ်ရင် အလိုအပ်ဆုံးက Product Roadmap လို့ပြောလို့ရမယ်။ Product Roadmap က မိမိ လုပ်မယ့် Product အကြောင်း Overview ပြောပြပေးနိုင်သလို၊ မိမိ Product Goal တွေကို ဘယ်လိုရောက်အောင် လျှောက်မလဲဆိုတာကို ချပြပေးလို့ပါပဲ။ Product Roadmap မရှိရင် ကိုယ်ထင်ရာ လုပ်မိနေနိုင်ပြီး မိမိ Goals တွေကို လက်လှမ်းမမှီနိုင်ဖြစ်သွားလိမ့်မယ်။ Product Roadmap ရှိတော့ ကိုယ့် Team Member တွေဖြစ်ဖြစ်၊ CEO ဒါမှမဟုတ် Investor တွေနဲ့ပဲပြောပြော အသုံးဝင်ပါလိမ့်မယ်။ ဒါဆို Product Roadmap ဘယ်လိုဆွဲရမလဲလို့မေးမယ် ။ အလုပ်အဖြစ်ဆုံး Product Roadmap Template ဆိုပြီးတော့မရှိပါဘူး။ မိမိ Roadmap ကို ကြည့်မယ့်လူပေါ်မူတည်ပြီး Roadmap ဒီဇိုင်းတွေကပြောင်းလဲရပါမယ်။ ဥပမာ… CEO က Timeline တွေနဲ့ ဘယ်နေ့ဘာ Feature ပြီးမှာလဲကို ကြည့်ချင်နေတဲ့အချိန် ကိုယ်က Feature List ပဲ သွားပြလို့မရပါဘူး။ Template မရှိပေမယ့် ဒီနေရာမှာ Share ပေးချင်တာက ကျွန်တော့် အတွက် အလုပ်ဖြစ်ခဲ့တဲ့ Roadmap Key Components တွေနဲ့ တခြား popular ဖြစ်တဲ့ Product Roadmap တွေကို ဝေမျှပေးသွားပါမယ်။ Product Roadmap မှာ အတွေ့အများဆုံးက Quarterly Roadmap (Q1,