Skip to main content

Burnout ဖြစ်နေသော Product Manager တစ်ယောက်



Burnout ဖြစ်ခြင်း နှင့် ကျွန်တော်...
အလုပ်တွေပဲ တရစပ် လုပ်နေရင်ဖြစ်ဖြစ်၊ Stress တွေ အရမ်းများလာရင်ဖြစ်ဖြစ်၊ Burnout ဖြစ်ကြပါတယ်။ ဒါ့အပြင် Burnout ဖြစ်တယ် ဆိုတာ အံဆုံးသွား ပေါက်သလို တစ်ခါပဲပေါက်ပြီး အရှင်းပျောက်သွားတာမဟုတ်ဘဲ အခြေအနေအမျိုးမျိုးကြောင့် ပြန်လည် ခံစားရနိုင်တဲ့ စိတ်အခြေအနေ တစ်ခုလည်းဖြစ်ပါတယ်။

Burnout ဖြစ်လာမှန်း ဘယ်လိုသိနိုင်လဲ?
သေချာတာကတော့ ဘာဆိုဘာမှမလုပ်ချင်တော့ဘူး၊ လုပ်ရမယ်ဆိုရင်လည်း အလုပ်အပေါ် အာရုံစိုက်ရတာခက်လာမယ်၊ Anxiety ဖြစ်မယ်၊ ကိုယ့်ကိုကိုယ် Productive မဖြစ်တော့ဘူး၊ Creative လည်းမဖြစ်တော့ဘူးလို့ ခံစားရမယ်။


Product Manager တွေ Burnout ဖြစ်နိုင်လား?
အလုပ်လည်းများ stress လည်းများတဲ့ Career ဖြစ်တဲ့အလျောက် Burnout ဖြစ်နိုင်ချေလည်း အချိုးတူပါပဲလို့ ဖြေပါရစေ။

ဘာကြောင့် Product Manager တွေ Burnout ဖြစ်ကြတာလဲ?
ဟုတ်ပါပြီ... ကျွန်တော် ဘယ်လိုအခြေအနေမှာ Burnout ဖြစ်တတ်လဲနဲ့ ကျွန်တော် ဘယ်လိုကျော်ဖြတ်ခဲ့လဲကို “လွန်ခဲ့တဲ့ လေးနှစ် ကျွန်တော်” ကို ပြန်သွားပြီး အတွေ့အကြုံ ပြန် Share ပေးချင်ပါတယ်။

Product Manager အလုပ်က Technology နဲ့ Product ပဲ လုပ်ရတာမဟုတ်ပဲ Product တစ်ခု၊ Features တစ်ခု ထွက်ဖို့ လိုအပ်သမျှကို အကောင်အထည်ဖော်ရတာဖြစ်တယ်။ ပြောချင်တာကတော့ အဲ့လို အကောင်အထည်ဖော်ဖို့ Department မျိုးစုံ၊ လူ၊ Background မျိုးစုံနဲ့ Deal လုပ်ရလေ့ရှိပါတယ်။ အဲ့ဒီအခါ –

၁။ ထိန်းချုပ်မှုမရှိခြင်း

ကိုယ်ကတော့ ကိုယ့် Product (or) Features ကောင်းစေချင်တာပါပဲ... ဒါပေမယ့် Department ပေါင်းစုံက ရာထူးပေါင်းစုံနဲ့ ထိတွေ့နေရတော့ ကိုယ့် Product ကို Control လုပ်လို့မရတတ်ဘူး။ ဒီ Department က ဒါလိုချင်တယ်.. ကိုယ့် Boss က Competitor ကလုပ်ထားတဲ့ Features ကို ကိုယ့် Product မှာလည်း ချက်ချင်းမြင်ချင်တယ်… စသဖြင့်ပေါ့။ Product Manager တစ်ယောက်အနေနဲ့ ဖြစ်သင့်တာတွေ၊ ဆောင်ရန် ရှောင်ရန်တွေ ဝင်ပြောနေပေမယ့်လည်း.. Product Manager ဘာလုပ်လဲဆိုတာ ကဂနဏ မသိကြဘဲ Requirement Gathering ပဲ လုပ်တဲ့ လူလို့ပဲ မြင်နေတတ်တယ်။ အဲ့အခါ ကိုယ့် Product ကို မထိန်းချုပ်နိုင်ပဲ လိုချင်တာတိုင်း လုပ်ပေးရတတ်တဲ့ လိုတာပေး Product Manager တစ်ယောက်ဖြစ်လာပါတယ်။

၂။ Work Overload ဖြစ်ခြင်း

အပေါ်က ကို ဆက်ရရင် လိုတာတွေ ပဲ လုပ်ပေးရတဲ့ Product Manager အတွက် တနေ့တနေ့ အလုပ်က များသထက်များလာပါလိမ့်မယ်။ အားလုံးကလည်း Product ကို မကြည့်ဘဲ ကိုယ်လိုချင်တာ ရဖို့ပဲ ဦးတည်ပြီး... ဒါကတော့ Urgent ဖြစ်လို့၊ ဒါမှမရရင် Competitor နောက် တကောက်ကောက် ကြကျန်ခဲ့မယ်တို့နဲ့ ဘယ်လိုမှ “Say No” လုပ်လို့မရဘဲ Product Manager ခေါင်းကိုက်တဲ့ အကွက်တွေ များလာပါလိမ့်မယ်။ ဘယ် Feature ပဲလာလာ Tight Deadline တွေနဲ့ ... Pressure တွေက အပေါ်ကပဲ မဟုတ်တော့ပဲ… Feature ကို Deadline အတွင်း ထွက်ဖို့ တွန်းရတဲ့ Development Team တွေဆီကလည်း များလာပါတော့တယ်။ Product ကလည်း Feature Factory Product ကြီး ဖြစ်လာမယ်...ကိုယ်တိုင်လည်း Work Overload ဖြစ်လာပါလိမ့်မယ်။

၃။ တန်တဲ့ Reward မရခြင်း

ကိုယ်ကတော့ မတတ်နိုင်တဲ့ အဆုံး B***S*** တွေကိုချည်းပဲ အကောင်းဆုံးလိုက်လုပ်ပေးတယ်။ နောက်ဆုံးတော့ Department အသီးသီးက Stakeholders တွေလိုချင်တာတွေ ရသွားတယ်။ အသည်းအသန် လုပ်ပေးလိုက်ပေမယ့် Product မှာလည်း ဘာမှ မတိုးတက်သွားသလို၊ Product Team နဲ့ Product Manager ဆီမှာလည်း ဘာအသိအမှတ်ပြုမှုမှ မရလိုက်ဘူး။ အများဆုံး ကြားရ “Thank You” ပဲ။ တဖြည်းဖြည်းနဲ့ Assigned Tasks တွေသာ များလာပေမယ့်... Promotion တို့ Salary တို့ တိုးဖို့တွေကတော့ ဝေလာဝေး ဖြစ်နေရင်... ကြာလာတော့ ကိုယ့်ကိုကိုယ် Undervalue ဖြစ်လာမယ်၊ Insecure ဖြစ်လာမယ်၊ စွယ်စုံရဖြစ်မလာပဲ... စွယ်စုံခိုင်းဖြစ်လာတော့တာပဲ။

၄။ ခံယူချက် မတူတော့ခြင်း

ကိုယ်က Product Vision၊ Roadmap ကို တာဝန်ယူရသူ၊ Product ကို Company Vision နဲ့ လိုက် Align လုပ်ပေးရသူဖြစ်တယ်။ တခါတလေ Company ရဲ့ ခဏခဏ (သို့) လုံးဝ ပြောင်းလဲသွားတဲ့ Core Values တွေပေါ်လာတဲ့အခါ Product Vision ကိုလည်း လိုက်ပြောင်းရသလို၊ ကိုယ့်ရဲ့ ကိုယ်ပိုင် Company မှာ ရပ်တည်ချက်၊ ခံယူချက်တွေလည်း မတူတော့ဘူး။ Product အတွက် ကိုယ်လိုချင်တာက 1-10၊ Company က 1-6 လောက်ပဲ လိုချင်တော့ရင် အားမလိုအားမရတွေဖြစ်လာမယ်။ ကိုယ် ဒီ Company ကို ဘာကြောင့် ဝင်လာတာလဲ၊ ဘာတွေ အကောင်းဆုံးလုပ်ဖို့ဝင်လာတာလဲ ဆိိုတဲ့ ခံယူချက်တွေက အနှေးနဲ့အမြန် အမှိုက်ပုံးထဲရောက်သွားတာပဲ။ ကြုံရတဲ့အခါ တကယ်ဆိုးတဲ့ အခြေအနေပါ။

ဒါမျိုးတွေ ကြုံရဖန်များလာတာနဲ့အမျှ ကျွန်တော် Burnout ဖြစ်လာတော့တာပဲ။ ကောင်းတဲ့ အတွေ့အကြုံတော့ မဟုတ်ခဲ့ဘူး။ ဒါပေမယ့်လည်း အဲ့လိုတွေသိထားတော့ ထပ်မဖြစ်အောင် ရှောင်လို့တော့ ရနိုင်ကောင်းရမှာပေါ့။

ကဲ... ဒီမှာ ခဏရပ်လိုက်မယ်ဗျာ။
ဒါက ကျွန်တော် လွန်ခဲ့တဲ့ လေးနှစ်က ကြုံတွေ့တဲ့ အတွေ့အကြုံကို ပြန်လည် ဝေမျှတာဖြစ်ပါတယ်။ ကျွန်တော်တို့တွေ ဒီလို Burnout ဖြစ်လာရင် ဘယ်လို အကောင်းဆုံး ကျော်ဖြတ်မလဲဆိုတာကို နောက်အပတ်ဆောင်းပါးမှာ ဆက်ရေးချင်ပါတယ်။

နောက်ထပ် ဖတ်ချင်တဲ့ Topic တွေရှိရင်လည်း ဒီ Google Form ကနေတဆင့် အကြံပေးနိုင်ပါတယ်။ ProductBaze မှ Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ ProductBaze အကြောင်း (၁) မိနစ်စာ မိတ်ဆက် post ကို ဒီ Link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။

Follow us on Facebook and Linkedin for the latest updates.

Comments

Popular Posts

SMART Goal ဘယ်လိုတည်ဆောက်မလဲ

Personal အတွက်ဖြစ်စေ၊ လုပ်ငန်းခွင်မှာဖြစ်စေ.. ရည်မှန်းချက်ကြီးမားတာ ကောင်းပေမယ့် ကိုယ်စိတ်ကူး ပေါ်ရာ ကိုယ်ဖြစ်ချင်ရာ ရည်မှန်းချက်တွေ ရမ်းသမ်းချမှတ်တာက လက်တွေ့မကျတဲ့၊ ချသာ ချမှတ်ထားပြီး အသုံးမဝင် Effective မဖြစ်တဲ့ ရည်မှန်းချက်တွေ ဖြစ်နေနိုင်ပါတယ်။ မဖြစ်နိုင်တဲ့ Goal နောက်ကိုလိုက်ရင်း ရင်းနှီးမြှုပ်နှံရတဲ့ အချိန်တွေ၊ ငွေကြေးတွေ၊ Resource တွေလည်း ဆုံးရှုံးမှုတွေဖြစ်စေနိုင်ပါတယ်။ “SMART Goal ဖြစ်ဖို့တော့ လိုမယ်နော်” ဆိုတဲ့ စကားမျိုး ကြားဖူးကြပါလိမ့်မယ်။ SMART Goal ဆိုတဲ့ concept ကို စီးပွားရေးလောက၊ Marketing အပြင် နယ်ပယ်အသီးသီးမှာ တွင်တွင်ကျယ်ကျယ်အသုံးပြုကြပါတယ်။ SMART Goal ဆိုတာ တိုတိုပြောရရင် တိကျရှင်းလင်းပြီး လက်တွေ့ကျတဲ့ Goal တွေချမှတ်ခြင်းလို့ ပြောနိုင်ပါတယ်။ မိမိ Business အတွက်၊ Product အတွက်၊ Team အတွက်၊ Personal အတွက် Goal တွေ ချမှတ်တဲ့အခါ လက်တွေ့ဖြစ်နိုင်ချေရှိတဲ့ ရည်မှန်းချက်ကို သေချာသတ်မှတ်ပေးနိုင်တဲ့ SMART Objective နည်းလမ်းကို သုံးကြည့်သင့်ပါတယ်။ SMART Goal ဆိုတာက ကိုယ့်ချမှတ်ရေးဆွဲမယ့် Goal တွေက S (Specific) - ဘာကိုရရှိအောင်လုပ်မယ်ဆိုတာ တိတိကျကျဖြစ်ရမယ် M (

Cross-Functional Team အကြောင်း တစေ့တစောင်း

Cross-functional Team ဆိုတာ အပြောလည်းများသလို အသုံးလည်းများပါတယ်။ Product Team တွေမှာလည်း Cross-functional Team ပုံစံကို တော်တော်များများ အသုံးပြုကြပါတယ်။ ProductBaze ဆောင်းပါးအချို့မှာလည်း ထည့်ရေးဖူးပြီး၊ Product Squad ဆောင်းပါးမှာ Squad တည်ဆောက်ပုံက Cross-functional Team ပုံစံကို အခြေခံတဲ့အကြောင်းရေးရင်းနဲ့ Cross-functional Team အကြောင်းလေးကိုပါ မိတ်ဆက်ပေးဖို့ ဖြစ်လာပါတယ်။ ပုံမှန် Organization တွေမှာ Department တွေ, Team တွေက လုပ်ငန်းသဘောသဘာဝ တူညီရာ (Tech, Marketing, Sales, Operation…) စသဖြင့် အသီးသီး ဖွဲ့စည်းထားကြပြီး ဖွဲ့စည်းပုံကလည်း အထက်ကနေ အောက် Hierarchy အတိုင်းဖြစ်ကြပါတယ်။ Decision တစ်ခုလိုအပ်ရင်လည်း Hierarchy အတိုင်း အပေါ်ကို ပြန်တက်ပြီး Request လုပ်ကြရသလို၊​ Company တစ်ခုထဲက Team အသီးသီးက အခြား Department တွေ ဘာလုပ်နေလဲဆိုတာ သိဖို့ ထင်သလောက် မလွယ်ကူပါဘူး။ Silos Team (တသီးတသန့် အလုပ်လုပ်တဲ့ Team) တွေ ဖြစ်လာပြီး Direction တွေ ညှိရခက်တတ်ပါတယ်။ Cross-functional Team ဆိုတာက Organization ထဲမှာ ကျွမ်းကျင်မှုမတူ (သို့မဟုတ်) ဌာနမတူတဲ့ လူတွေကို Team အနေနဲ့ဖွဲ့ပေးပြီး Project တစ်

ကိုယ့် Boss ကို ဘယ်လို Manage လုပ်မလဲ

“Manage My Boss” ဆိုတဲ့ ခေါင်းစဉ်ကြီးဖတ်လိုက်ရလို့ တမျိုးကြီးဖြစ်သွားမယ်ထင်ပါတယ်။ သို့ပေမယ့် ကျွန်တော် အခုပြောပြမယ့် “How to Manage your Boss” က Management အကြောင်း လေ့လာတဲ့အခါတွေမှာလည်း ပါဝင်လေ့ရှိသလို အပြင်လုပ်ငန်းခွင်မှာလည်း တကယ်အရေးပါတဲ့ ကိစ္စရပ်ပါပဲ။ ကိုယ်ကိုယ်တိုင်က Middle Management Level လို့ပြောကြတဲ့ Manager ဖြစ်နေမယ်၊ ကိုယ့်အောက်မှာ Team Members တွေရှိသလို၊ ကိုယ့်အပေါ်မှာလည်း ကိုယ် Report လုပ်ရတဲ့ Senior Manager သော်လည်းကောင်း၊ Head သော်လည်းကောင်း၊ C-Level သော်လည်းကောင်း ကိုယ့် Boss ရှိမယ်ပေ့ါ။ Management Term အရဆိုရင် ကိုယ့် Team ကို Manage လုပ်ရတာကို “Managing Down” or “Downward Management” လို့ ခေါ်ပြီး၊ ကိုယ့် Boss ကို Manage လုပ်တာကို “Managing Up” or “Upward Management”လို့ခေါ်ပါတယ်။ အဲ့တော့ အခုဆွေးနွေးမှာက Upward Management အကြောင်းပါ။ အိုကေ… ကိုယ့် Boss ကို ဘယ်လို Manage လုပ်တာလဲ??? ကိုယ်က Manage လုပ်ခံရမှာမဟုတ်ဘူးလား??? ကိုယ့်အတွက်ရော ဘယ်လို အကျိုးရှိမှာလဲ??? “Boss ကို Manage လုပ်တယ်ဆိုတာ ဘာလဲ” ကနေ စရအောင်ပါ။ Boss ကို Manage လုပ်တဲ့ အဓိက Goal က Boss ကို အပြည

အသုံးများတဲ့ Product Testing တွေ

Webinar တစ်ခုမှာ Product Testing တွေအကြောင်းထည့်ပြောတော့ နောက်ဆုံးအမေးအဖြေအချိန်မှာ အမေးခံရဖူးတာလေး မှတ်မှတ်ရရရှိလို့ပါ။ “A/B Testing ဆိုတာ Alpha Testing, Beta Testing ကို ပြောတာလား” ဆိုတဲ့ မေးခွန်းပါ။ သိတဲ့သူအတွက်တော့ ဘာမှမဆိုင်တဲ့ Testing တွေမှန်း တန်းသိနိုင်ပေမယ့် တစ်ဖက်မှာလည်း မေးလည်းမေးချင်စရာ အခေါ်အဝေါ်က ခပ်ဆင်ဆင်တူနေတာကိုးလို့ တွေးမိပါတယ်။ ဒါကြောင့် ဒီဆောင်းပါးမှာ မကြာမကြာလည်း ပြောဖြစ်ကြပြီး၊ အသုံးလည်းများ၊ အသုံးလည်းဝင်တဲ့ Alpha Testing, Beta Testing နဲ့ A/B Testing တို့အကြောင်းကို တီးမိခေါက်မိအောင် ရေးချင်ပါတယ်။ Feature Development တွေပြီးတဲ့အခါ Product Owner နဲ့ Development Team တွေ User Acceptance Testing (UAT) ကို အတူတကွ ပြုလုပ်ကြပါတယ်။ QA က အဓိက Test တာဖြစ်နိုင်ပေမယ့် အားလုံးက ပူးပေါင်းလုပ်ဆောင်ကြရတာပါ။ Product (သို့) Feature က UAT လည်းပြီးပြီ၊ Release လုပ်တော့မယ်လို့ စ Plan တဲ့အခါ Alpha Testing နဲ့ Beta Testing အခန်းကဏ္ဍဆီ ရောက်ပါတယ်။ Alpha Testing Alpha Testing ဆိုတာ လွယ်လွယ်ပြောရရင် ကိုယ့်လူနဲ့ကိုယ် အရင်စမ်းသပ်တဲ့ Testing အမျိုးအစားပါ။ မိမိရဲ့ Software

၅ မိနစ်စာ Product Roadmap

Product တစ်ခုစလုပ်ရင် အလိုအပ်ဆုံးက Product Roadmap လို့ပြောလို့ရမယ်။ Product Roadmap က မိမိ လုပ်မယ့် Product အကြောင်း Overview ပြောပြပေးနိုင်သလို၊ မိမိ Product Goal တွေကို ဘယ်လိုရောက်အောင် လျှောက်မလဲဆိုတာကို ချပြပေးလို့ပါပဲ။ Product Roadmap မရှိရင် ကိုယ်ထင်ရာ လုပ်မိနေနိုင်ပြီး မိမိ Goals တွေကို လက်လှမ်းမမှီနိုင်ဖြစ်သွားလိမ့်မယ်။ Product Roadmap ရှိတော့ ကိုယ့် Team Member တွေဖြစ်ဖြစ်၊ CEO ဒါမှမဟုတ် Investor တွေနဲ့ပဲပြောပြော အသုံးဝင်ပါလိမ့်မယ်။ ဒါဆို Product Roadmap ဘယ်လိုဆွဲရမလဲလို့မေးမယ် ။ အလုပ်အဖြစ်ဆုံး Product Roadmap Template ဆိုပြီးတော့မရှိပါဘူး။ မိမိ Roadmap ကို ကြည့်မယ့်လူပေါ်မူတည်ပြီး Roadmap ဒီဇိုင်းတွေကပြောင်းလဲရပါမယ်။ ဥပမာ… CEO က Timeline တွေနဲ့ ဘယ်နေ့ဘာ Feature ပြီးမှာလဲကို ကြည့်ချင်နေတဲ့အချိန် ကိုယ်က Feature List ပဲ သွားပြလို့မရပါဘူး။ Template မရှိပေမယ့် ဒီနေရာမှာ Share ပေးချင်တာက ကျွန်တော့် အတွက် အလုပ်ဖြစ်ခဲ့တဲ့ Roadmap Key Components တွေနဲ့ တခြား popular ဖြစ်တဲ့ Product Roadmap တွေကို ဝေမျှပေးသွားပါမယ်။ Product Roadmap မှာ အတွေ့အများဆုံးက Quarterly Roadmap (Q1,