Skip to main content

Value Proposition Canvas ဘယ်လိုဆွဲမလဲ

Customers တွေ ဘာကြောင့် Company ရဲ့ Product (သို့) Service ကို သုံးကြတာလဲ? ဒီထပ် Customers များများ သုံးလာအောင် ဘာတွေထပ်လုပ်ရမလဲ? ဒီအချက်တွေက Business တွေ အဓိက စဥ်းစားကြရတဲ့ အရာတွေဖြစ်ပါတယ်။ Customers များများ ဝယ်ဖို့၊ သုံးဖို့ဆိုရင် Customers တွေရဲ့ လိုအပ်ချက်တွေက ကိုယ့် Product ကပေးတဲ့ Feature တွေ၊ ကိုယ့် Business ကပေးတဲ့ Service တွေနဲ့ ကိုက်ညီမှုရှိလားဆိုတာကလည်း အဓိကကျပါတယ်။ Value Proposition က Customer လိုအပ်ချက်နဲ့ ကိုယ့် Product ကပေးတဲ့ Feature တွေ၊ Solution တွေ ကိုက်ညီမှုရှိကြောင်း Customer ကို မြန်မြန်ဆန်ဆန် သိစေဖို့ရာ အထောက်အကူပြုပါတယ်။


Value Proposition
Value Proposition ဆိုတာ Company ဘက်နေ ကိုယ့် Product ကို ဝယ်ရင်၊ သုံးရင် ဘာတွေပေးမှာလဲဆိုတာကို သတ်မှတ်ဖော်ပြတာဖြစ်ပါတယ်။ တစ်နည်းအားဖြင့် Customer ဘက်ကနေလည်း ဒီ Product ကိုဝယ်ရင် (Feature သော်လည်းကောင်း၊ Service သော်လည်းကောင်း၊ Experience သော်လည်းကောင်း) ဘာတွေရရှိမှာလဲ ဆိုတာ ရှင်းရှင်းလင်းလင်းကြိုသိနိုင်စေမယ့် ဖော်ပြချက်ဖြစ်ပါတယ်။

Value Proposition မှာ “မိမိ ​Product က ဘာတွေပေးတာလဲ”၊ “ဘာကြောင့် လူတွေသုံးကြမှာလဲ”၊ ”Competitor တွေထပ် ဘာပိုသာတာလဲ” စတာတွေကို သတ်မှတ်ပြီး Customer နားလည်လွယ်အောင် ထိထိရောက်ရောက် ရေးသားဖော်ပြကြပါတယ်။ ထိထိရောက်ရောက် လိုရင်းတိုရှင်းဖော်ပြနိုင်လေ Customer ဆီကို ပေးချင်တဲ့ Product Message က ပိုရောက်နိုင်လေဖြစ်ပါတယ်။

Value Proposition က Product Marketing အတွက်လည်း အရေးပါသလို Customer က ဒီ Product ကို သုံးသင့်/ မသုံးသင့် Buying Decision လုပ်ရာမှာလည်း အရေးပါပါတယ်။ ဒါကြောင့် Business Model ဆွဲရာမှာလည်း ကဏ္ဏတစ်ခုအနေနဲ့ ထည့်သွင်းရေးဆွဲရခြင်း ဖြစ်ပါတယ်။ ထိရောက်တဲ့ Value Proposition သတ်မှတ်ရာမှာ Customer လိုအပ်ချက်နဲ့ ကိုက်ညီလားသိစေဖို့ Value Proposition Canvas ကို သုံးနိုင်ပါတယ်။ Digital Product တွေရဲ့ ထိရောက်တဲ့ Value Proposition ဥပမာတွေ ကိုလည်း လေ့လာနိုင်ပါတယ်။

Value Proposition Canvas
Value Proposition Canvas ဆိုတာ Product-Market Fit ဖြစ်ဖို့အတွက် ရေးဆွဲတဲ့ Business Tool ဖြစ်ပြီး Product ရဲ့ Value Proposition ကောင်းတစ်ခု သတ်မှတ်ဖို့ရာမှာလည်း အသုံးပြုကြပါတယ်။


Value Proposition Canvas က Customer Profile နဲ့ Value Proposition နှစ်ခုကိုချိတ်ဆက်ဆွဲရတာဖြစ်ပါတယ်။ Customer Profile (Customer Segments) နဲ့ Value Propositions က Business Model Canvas ရဲ့ အပိုင်း ၉ ပိုင်းထဲမှာလည်း အသီးသီး ပါဝင်ကြတာဖြစ်လို့ Business တစ်ခုအတွက် မရှိမဖြစ် အရေးပါတဲ့ကဏ္ဏတွေလို့ ပြောလို့ရပါတယ်။

Customer Profile
  • Gains – Customer ရဲ့ လိုချင်တဲ့အရာတွေ / Job ကိုပြီးမြောက်ဖို့အပြင် လိုချင်တဲ့အချက်တွေ
  • Pains – Customer ရဲ့ စိုးရိမ်ပူပန်မှုတွေ / Job ကို လုပ်ဆောင်ရာမှာ ကြုံတွေ့ရတဲ့ အဟန့်အတားတွေ
  • Customer jobs – Customer လုပ်ဆောင်ဖို့လိုအပ်တဲ့ Job (တစ်နည်း) Customer ဖြေရှင်းလိုတဲ့ Problem
Customer Segment မှာ အဓိက Customer ၂မျိုး ၃မျိုးပါရင် Customer Profile က Customer Segnamt တစ်ခုချင်းစီအတွက် သီးသန့်ဆွဲဖို့လိုအပ်ပါတယ်။ Customer Segnamt တစ်မျိုးချင်းစီရဲ့ Gain တွေ၊ Pain တွေ Job တွေ မတူညီနိုင်လို့ပါ။

Value Proposition
  • Gain Creators – Product က Customer ရဲ့ လိုအပ်ချက် (Gains) တွေရရှိဖို့ ဘာတွေလုပ်ဆောင်ပေးလဲ
  • Pain Relievers – Product က Customer ရဲ့ စိုးရိမ်စိတ်နဲ့ အဟန့်အတားတွေကို ဘယ်လိုဖြေရှင်းပေးလဲ
  • Products and Services – Customer Problem ကို ဖြေရှင်းပေမယ့် Product (သို့) Service
ပုံမှာပြထားတဲ့ Canvas ရဲ့ Component တစ်ခုချင်းစီမှာ ကိုယ့် Customer Profile နဲ့ Product Value တွေကို ဖြည့်ရမှာပါ။ Value Proposition Canvas ကို Internet ကနေ Template တွေ Download ချပြီးလည်း ဆွဲနိုင်ပါတယ်။ ဆွဲပြီးသွားတဲ့အခါ Canvas ပေါ်မှာ Customer က လိုအပ်နေတဲ့အရာတွေနဲ့၊ မိမိ Product ကပေးနေတဲ့အရာတွေ ကိုက်ညီမှုရှိလား၊ Product-Market Fit ဖြစ်လားဆိုတာကို ထင်ထင်ရှားရှားတွေ့နိုင်မှာ ဖြစ်ပါတယ်။ Product-Market Fit မဖြစ်ရင်တော့ Customer ရဲ့ Gain တွေ၊ Pain တွေကို တစ်ခုချင်းကြည့်ပြီး Product မှာ ဖြေရှင်းပေးနိုင်ဖို့ ကြိုးစားရမှာပါပဲ။ Value Proposition ကို Review ပြန်လုပ်ရပါလိမ့်မယ်။ Customer Segment တစ်ခုချင်းစီအတွက် ဆွဲထားတဲ့ Value Proposition Canvas ဥပမာတွေကိုတော့ ဒီ Blog Link မှာ ကြည့်နိုင်ပါတယ်။

ဒီဆောင်းပါးမှာ Value Proposition ရော၊ Value Proposition Canvas အကြောင်းရော ပြောသွားပါတယ်။ အချုပ်ဆိုရရင် Value Proposition Canvas က Customer လိုအပ်ချက်ပေါ်မူတည်ပြီး Value Propositon သတ်မှတ်ဖို့ရော၊ Product-Market Fit ဖြစ်စေဖို့ပါ အသုံးဝင်ပါတယ်။

နောက်ထပ် ဖတ်ချင်တဲ့ Topic တွေရှိရင်လည်း ဒီ Google Form ကနေတဆင့် အကြံပေးနိုင်ပါတယ်။ ProductBaze မှ Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ ProductBaze အကြောင်း (၁) မိနစ်စာ မိတ်ဆက် post ကို ဒီ Link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။

Follow us on Facebook and Linkedin for the latest updates.

Comments

Popular Posts

SMART Goal ဘယ်လိုတည်ဆောက်မလဲ

Personal အတွက်ဖြစ်စေ၊ လုပ်ငန်းခွင်မှာဖြစ်စေ.. ရည်မှန်းချက်ကြီးမားတာ ကောင်းပေမယ့် ကိုယ်စိတ်ကူး ပေါ်ရာ ကိုယ်ဖြစ်ချင်ရာ ရည်မှန်းချက်တွေ ရမ်းသမ်းချမှတ်တာက လက်တွေ့မကျတဲ့၊ ချသာ ချမှတ်ထားပြီး အသုံးမဝင် Effective မဖြစ်တဲ့ ရည်မှန်းချက်တွေ ဖြစ်နေနိုင်ပါတယ်။ မဖြစ်နိုင်တဲ့ Goal နောက်ကိုလိုက်ရင်း ရင်းနှီးမြှုပ်နှံရတဲ့ အချိန်တွေ၊ ငွေကြေးတွေ၊ Resource တွေလည်း ဆုံးရှုံးမှုတွေဖြစ်စေနိုင်ပါတယ်။ “SMART Goal ဖြစ်ဖို့တော့ လိုမယ်နော်” ဆိုတဲ့ စကားမျိုး ကြားဖူးကြပါလိမ့်မယ်။ SMART Goal ဆိုတဲ့ concept ကို စီးပွားရေးလောက၊ Marketing အပြင် နယ်ပယ်အသီးသီးမှာ တွင်တွင်ကျယ်ကျယ်အသုံးပြုကြပါတယ်။ SMART Goal ဆိုတာ တိုတိုပြောရရင် တိကျရှင်းလင်းပြီး လက်တွေ့ကျတဲ့ Goal တွေချမှတ်ခြင်းလို့ ပြောနိုင်ပါတယ်။ မိမိ Business အတွက်၊ Product အတွက်၊ Team အတွက်၊ Personal အတွက် Goal တွေ ချမှတ်တဲ့အခါ လက်တွေ့ဖြစ်နိုင်ချေရှိတဲ့ ရည်မှန်းချက်ကို သေချာသတ်မှတ်ပေးနိုင်တဲ့ SMART Objective နည်းလမ်းကို သုံးကြည့်သင့်ပါတယ်။ SMART Goal ဆိုတာက ကိုယ့်ချမှတ်ရေးဆွဲမယ့် Goal တွေက S (Specific) - ဘာကိုရရှိအောင်လုပ်မယ်ဆိုတာ တိတိကျကျဖြစ်ရမယ် M (

ကိုယ့် Boss ကို ဘယ်လို Manage လုပ်မလဲ

“Manage My Boss” ဆိုတဲ့ ခေါင်းစဉ်ကြီးဖတ်လိုက်ရလို့ တမျိုးကြီးဖြစ်သွားမယ်ထင်ပါတယ်။ သို့ပေမယ့် ကျွန်တော် အခုပြောပြမယ့် “How to Manage your Boss” က Management အကြောင်း လေ့လာတဲ့အခါတွေမှာလည်း ပါဝင်လေ့ရှိသလို အပြင်လုပ်ငန်းခွင်မှာလည်း တကယ်အရေးပါတဲ့ ကိစ္စရပ်ပါပဲ။ ကိုယ်ကိုယ်တိုင်က Middle Management Level လို့ပြောကြတဲ့ Manager ဖြစ်နေမယ်၊ ကိုယ့်အောက်မှာ Team Members တွေရှိသလို၊ ကိုယ့်အပေါ်မှာလည်း ကိုယ် Report လုပ်ရတဲ့ Senior Manager သော်လည်းကောင်း၊ Head သော်လည်းကောင်း၊ C-Level သော်လည်းကောင်း ကိုယ့် Boss ရှိမယ်ပေ့ါ။ Management Term အရဆိုရင် ကိုယ့် Team ကို Manage လုပ်ရတာကို “Managing Down” or “Downward Management” လို့ ခေါ်ပြီး၊ ကိုယ့် Boss ကို Manage လုပ်တာကို “Managing Up” or “Upward Management”လို့ခေါ်ပါတယ်။ အဲ့တော့ အခုဆွေးနွေးမှာက Upward Management အကြောင်းပါ။ အိုကေ… ကိုယ့် Boss ကို ဘယ်လို Manage လုပ်တာလဲ??? ကိုယ်က Manage လုပ်ခံရမှာမဟုတ်ဘူးလား??? ကိုယ့်အတွက်ရော ဘယ်လို အကျိုးရှိမှာလဲ??? “Boss ကို Manage လုပ်တယ်ဆိုတာ ဘာလဲ” ကနေ စရအောင်ပါ။ Boss ကို Manage လုပ်တဲ့ အဓိက Goal က Boss ကို အပြည

Cross-Functional Team အကြောင်း တစေ့တစောင်း

Cross-functional Team ဆိုတာ အပြောလည်းများသလို အသုံးလည်းများပါတယ်။ Product Team တွေမှာလည်း Cross-functional Team ပုံစံကို တော်တော်များများ အသုံးပြုကြပါတယ်။ ProductBaze ဆောင်းပါးအချို့မှာလည်း ထည့်ရေးဖူးပြီး၊ Product Squad ဆောင်းပါးမှာ Squad တည်ဆောက်ပုံက Cross-functional Team ပုံစံကို အခြေခံတဲ့အကြောင်းရေးရင်းနဲ့ Cross-functional Team အကြောင်းလေးကိုပါ မိတ်ဆက်ပေးဖို့ ဖြစ်လာပါတယ်။ ပုံမှန် Organization တွေမှာ Department တွေ, Team တွေက လုပ်ငန်းသဘောသဘာဝ တူညီရာ (Tech, Marketing, Sales, Operation…) စသဖြင့် အသီးသီး ဖွဲ့စည်းထားကြပြီး ဖွဲ့စည်းပုံကလည်း အထက်ကနေ အောက် Hierarchy အတိုင်းဖြစ်ကြပါတယ်။ Decision တစ်ခုလိုအပ်ရင်လည်း Hierarchy အတိုင်း အပေါ်ကို ပြန်တက်ပြီး Request လုပ်ကြရသလို၊​ Company တစ်ခုထဲက Team အသီးသီးက အခြား Department တွေ ဘာလုပ်နေလဲဆိုတာ သိဖို့ ထင်သလောက် မလွယ်ကူပါဘူး။ Silos Team (တသီးတသန့် အလုပ်လုပ်တဲ့ Team) တွေ ဖြစ်လာပြီး Direction တွေ ညှိရခက်တတ်ပါတယ်။ Cross-functional Team ဆိုတာက Organization ထဲမှာ ကျွမ်းကျင်မှုမတူ (သို့မဟုတ်) ဌာနမတူတဲ့ လူတွေကို Team အနေနဲ့ဖွဲ့ပေးပြီး Project တစ်

အသုံးများတဲ့ Product Testing တွေ

Webinar တစ်ခုမှာ Product Testing တွေအကြောင်းထည့်ပြောတော့ နောက်ဆုံးအမေးအဖြေအချိန်မှာ အမေးခံရဖူးတာလေး မှတ်မှတ်ရရရှိလို့ပါ။ “A/B Testing ဆိုတာ Alpha Testing, Beta Testing ကို ပြောတာလား” ဆိုတဲ့ မေးခွန်းပါ။ သိတဲ့သူအတွက်တော့ ဘာမှမဆိုင်တဲ့ Testing တွေမှန်း တန်းသိနိုင်ပေမယ့် တစ်ဖက်မှာလည်း မေးလည်းမေးချင်စရာ အခေါ်အဝေါ်က ခပ်ဆင်ဆင်တူနေတာကိုးလို့ တွေးမိပါတယ်။ ဒါကြောင့် ဒီဆောင်းပါးမှာ မကြာမကြာလည်း ပြောဖြစ်ကြပြီး၊ အသုံးလည်းများ၊ အသုံးလည်းဝင်တဲ့ Alpha Testing, Beta Testing နဲ့ A/B Testing တို့အကြောင်းကို တီးမိခေါက်မိအောင် ရေးချင်ပါတယ်။ Feature Development တွေပြီးတဲ့အခါ Product Owner နဲ့ Development Team တွေ User Acceptance Testing (UAT) ကို အတူတကွ ပြုလုပ်ကြပါတယ်။ QA က အဓိက Test တာဖြစ်နိုင်ပေမယ့် အားလုံးက ပူးပေါင်းလုပ်ဆောင်ကြရတာပါ။ Product (သို့) Feature က UAT လည်းပြီးပြီ၊ Release လုပ်တော့မယ်လို့ စ Plan တဲ့အခါ Alpha Testing နဲ့ Beta Testing အခန်းကဏ္ဍဆီ ရောက်ပါတယ်။ Alpha Testing Alpha Testing ဆိုတာ လွယ်လွယ်ပြောရရင် ကိုယ့်လူနဲ့ကိုယ် အရင်စမ်းသပ်တဲ့ Testing အမျိုးအစားပါ။ မိမိရဲ့ Software

၅ မိနစ်စာ Product Roadmap

Product တစ်ခုစလုပ်ရင် အလိုအပ်ဆုံးက Product Roadmap လို့ပြောလို့ရမယ်။ Product Roadmap က မိမိ လုပ်မယ့် Product အကြောင်း Overview ပြောပြပေးနိုင်သလို၊ မိမိ Product Goal တွေကို ဘယ်လိုရောက်အောင် လျှောက်မလဲဆိုတာကို ချပြပေးလို့ပါပဲ။ Product Roadmap မရှိရင် ကိုယ်ထင်ရာ လုပ်မိနေနိုင်ပြီး မိမိ Goals တွေကို လက်လှမ်းမမှီနိုင်ဖြစ်သွားလိမ့်မယ်။ Product Roadmap ရှိတော့ ကိုယ့် Team Member တွေဖြစ်ဖြစ်၊ CEO ဒါမှမဟုတ် Investor တွေနဲ့ပဲပြောပြော အသုံးဝင်ပါလိမ့်မယ်။ ဒါဆို Product Roadmap ဘယ်လိုဆွဲရမလဲလို့မေးမယ် ။ အလုပ်အဖြစ်ဆုံး Product Roadmap Template ဆိုပြီးတော့မရှိပါဘူး။ မိမိ Roadmap ကို ကြည့်မယ့်လူပေါ်မူတည်ပြီး Roadmap ဒီဇိုင်းတွေကပြောင်းလဲရပါမယ်။ ဥပမာ… CEO က Timeline တွေနဲ့ ဘယ်နေ့ဘာ Feature ပြီးမှာလဲကို ကြည့်ချင်နေတဲ့အချိန် ကိုယ်က Feature List ပဲ သွားပြလို့မရပါဘူး။ Template မရှိပေမယ့် ဒီနေရာမှာ Share ပေးချင်တာက ကျွန်တော့် အတွက် အလုပ်ဖြစ်ခဲ့တဲ့ Roadmap Key Components တွေနဲ့ တခြား popular ဖြစ်တဲ့ Product Roadmap တွေကို ဝေမျှပေးသွားပါမယ်။ Product Roadmap မှာ အတွေ့အများဆုံးက Quarterly Roadmap (Q1,