Skip to main content

MBA က Product Manager အတွက် ဘယ်လိုအထောက်အကူဖြစ်စေလဲ



Career Journey အလယ်လောက်မှာ Management Level ကို ကူးရင်းနဲ့ လိုအပ်တဲ့ Business Knowledge တွေရရှိဖို့ MBA ဘွဲ့တက်ဖို့ကိုပါ ထည့်သွင်းစဥ်းစားလာကြပါတယ်။ အဆက်မပြတ်သင်ယူခြင်း (Continuous Learning) ကို အားပေးတဲ့ ဒီနေ့ခေတ်မှာ Degree တွေ၊ Certificate တွေက ကိုယ့် Career အတွက် အထောက်အပံ့ကောင်းတွေ ဖြစ်နိုင်ပါတယ်။ ကိုယ်ရွေးချယ်ထားတဲ့ Career ပေါ်မူတည်ပြီး MBA ဘွဲ့က အထောက်အကူပြုတဲ့ ပုံစံတွေတော့ မတူကြပါဘူး။


Product Management Career ကို စလျှောက်လှမ်းနေသူတွေနဲ့ လျှောက်လှမ်းလိုသူတွေအနေနဲ့လည်း —
  • Product Manager ဖြစ်ဖို့ MBA ဘွဲ့ မဖြစ်မနေလိုလား
  • MBA ရှိရင် Product Management Career မှာ အထောက်အကူဖြစ်စေမှာလား ဆိုတဲ့ မေးခွန်းတွေ ရှိတတ်ပါတယ်။
ဒီမေးခွန်းတွေနဲ့ပတ်သက်ပြီး Software Engineer ကနေ Product Management Career ကို ကူးပြောင်းလာတဲ့ MBA ဘွဲ့ယူခဲ့သူတစ်ယောက်အနေနဲ့ အတွေ့အကြုံနဲ့ အမြင်ကို ဝေမျှချင်ပါတယ်။

ပထမမေးခွန်းဖြစ်တဲ့ “Product Manager ဖြစ်ဖို့ MBA ဘွဲ့ မဖြစ်မနေလိုလား” ကိုတော့ “No” လို့ ဖြေရပါလိမ့်မယ်။ Product Manager ဖြစ်ဖို့ MBA ဘွဲ့က မရှိမဖြစ်လိုတာမျိုး မဟုတ်ပါဘူး။ IT Background က မဟုတ်၊ MBA ဘွဲ့ရ မဟုတ်တဲ့ Product Manager တွေက ဒီမေးခွန်းအတွက် အကောင်းဆုံး သာဓကတွေပဲဖြစ်ပါတယ်။

ဒုတိယမေးခွန်းဖြစ်တဲ့ “MBA ရှိရင် Product Management Career မှာ အထောက်အကူဖြစ်စေမှာလား” အတွက်တော့ “Yes” လို့ ဖြေလိုပါတယ်။

အရင်ဆုံး MBA ဘွဲ့ကို ခြုံငုံရှင်းပြချင်ပါတယ်။ MBA ဘွဲ့က စီးပွားရေးလုပ်ငန်းတစ်ခုအတွက် လိုအပ်တဲ့ Business နဲ့ Management Knowledge တွေ၊ Skills တွေကို လေ့လာသင်ယူရတဲ့ Master Degree ပါ။ MBA မှာ ရရှိတဲ့ Personal နဲ့ Professional Skills တွေက စီးပွားရေးလုပ်ငန်းတင်မကပဲ Management Carrer တက်လှမ်းဖို့ရာလည်း အထောက်အကူပြုပါတယ်။

ဒါဆို ဘယ်အချက်တွေကြောင့် အထောက်အကူပြုတယ် “Yes” လို့ဖြေရတာလဲကို ဆက်ရေးပါမယ်။

(၁) Product Manager က Career အမျိုးမျိုးက လာကြပါတယ်။ Software Engineer, UIUX Designer, QA Engineer စတဲ့ Technical Background ကလည်းဖြစ်နိုင်သလို၊ Business Analyst စတဲ့ Business Background ကလည်းဖြစ်နိုင်ပါတယ်။ နှစ်ခုလုံးမဟုတ်တာတွေလည်း ရှိပါတယ်။ Product Managerက မိမိ Product ရဲ့ Market, Competitor စတဲ့ Business နဲ့ပတ်သက်တဲ့ အခြေအနေတွေကို စောင့်ကြည့်ပြီး Product ကို Market လိုအပ်ချက်နဲ့ကိုက်ညီအောင် ချိန်ညှိရသူဖြစ်တာကြောင့် Business Background မရှိတဲ့သူအတွက်တော့ MBA မှာ လေ့လာခဲ့တဲ့ Knowledge တွေက Product Manager Career အစမှာ ချောချောမွေ့မွေ့ဖြစ်စေဖို့ အထောက်အကူပေးပါလိမ့်မယ်။ Customer Development, Market Analysis, Marketing Strategy… စတဲ့အပိုင်းတွေပါ။

(၂) နောက်တစ်ခုက Research Skill ပါ။ Product Manager တစ်ယောက်အနေနဲ့ Product Development ပဲအာရုံစိုက်နေလို့မရပါဘူး။ Product နဲ့ပတ်သက်တဲ့ Customer Research, Market Research တွေလုပ်ဖို့၊ Hypothesis တွေထုတ်ပြီး အဖြေရှာဖို့အတွက်လည်း MBA Program မှသင်ခဲ့တဲ့ Research Skill က အထောက်အကူပြုနိုင်ပါတယ်။

(၃) Startup တွေက Product Manager တွေအနေနဲ့ Product နဲ့ပတ်သက်ရင် အလုံးစုံ တာဝန်ယူရလေ့ရှိပြီး တစ်ခါတစ်ရံ Financial ပိုင်းဖြစ်တဲ့ Balance Sheet, Cash Flow, Income Statements စတာတွေပါ နားလည်ဖို့ လိုအပ်တတ်ပါတယ်။ Startup တိုင်းလို့တော့ မဆိုလိုပါဘူး။ ဒီလိုအခြေအနေမှာ MBA က Financial Knowledge ကို အခြေခံအဖြစ် အသုံးချနိုင်ပါလိမ့်မယ်။

(၄) Product Manager ရဲ့ နေ့စဥ် Task တွေကို လုပ်ဆောင်ရာမှာ ရှိဖို့လိုအပ်တဲ့ Soft Skills တွေဖြစ်တဲ့ Leadership Skill, Management Skill, Organising Skill, Entrepreneurship Mindset စတာတွေကိုလည်း MBA မှာ လေ့လာနိုင်မှာဖြစ်လို့ မိမိ Product Team ကို Lead လုပ်ဖို့၊ Cross Functional Team တွေကို Lead လုပ်ဖို့နဲ့ Development Team ရဲ့ Project Management ကို အပိုင်းမှာ အထောက်အကူပေးနိုင်ပါတယ်။

(၅) နောက်ဆုံးအချက်အနေနဲ့ အလုပ်အသစ်အတွက် Impression အပိုင်းပါ။ Product Manager အလုပ်က Business Side နဲ့ပါ ထိတွေ့ရတဲ့ အလုပ်ဖြစ်တာကြောင့် MBA ရှိခြင်းက PM အလုပ်လျှောက်တဲ့အချိန်၊ Interview ဖြေတဲ့အချိန်တွေမှာတော့ Plus Value ဖြစ်စေပါလိမ့်မယ်။ Product ရဲ့ Business အမြင်၊ Market အခြေအနေ စတာတွေကို ပိုမိုနားလည်ဆွေးနွေးနိုင်တာကြောင့်ပါ။

ဒီအချက်တွေက MBA ဘွဲ့ရယူဖြစ်ခဲ့ရင် Product Manager တစ်ယောက်အတွက် အထောက်အကူဖြစ်စေနိုင်တဲ့ အချက်တွေပါ။ MBA ကရတဲ့ Knowledge တွေ ကိုယ့်ဆီမှာရှိထားတဲ့အတွက် မိမိအချိန်နဲ့ လေ့လာမှုတွေကို Product ရဲ့ အခြားလိုအပ်တဲ့အပိုင်းတွေမှာ ပိုမိုအာရုံစိုက်နိုင်တာပေ့ါ။ (Product Manager မှမဟုတ်ပဲ MBA တက်ရောက်ခြင်းဖြင့် မိမိရဲ့ Career နဲ့ Professional Success အတွက် ယေဘူယျ ဘာတွေအကျိုးရှိလဲဆိုတာကို သီးသန့်ထပ်ရေးပါမယ်။)

အချုပ်အနေနဲ့ ပြောရရင် ဘယ် Career ဖြစ်ဖြစ် Management Level အတွက် MBA မှာ လေ့လာခဲ့ရတဲ့ Knowledge တွေက အထောက်အကူဖြစ်ပါတယ်။ Product Management ကလည်း Product ကို Market နဲ့ ချိန်ညှိရတာမို့ MBA ရှိခြင်းက ကောင်းကျိုးတွေရှိပါတယ်။ သို့သော် မိမိ Product နဲ့ ပတ်သက်ပြီး Business ဖက်သာမက၊ Technology ဖက်နဲ့ Customer ဖက်တို့ကို အကောင်းဆုံးနားလည်ဖို့က အဓိကကျတာကြောင့် ဘွဲ့ကိုပဲတော့ အာရုံမစိုက်သင့်ပါဘူး။ လိုအပ်မယ့် Knowledge တွေကို အဆက်မပြတ် လေ့လာသွားဖို့သာ တိုက်တွန်းပါတယ်။ Business နဲ့ပတ်သက်ပြီး ပိုမိုလေ့လာချင်တယ်၊ လိုအပ်တဲ့ Business Terms တွေသိချင်တယ်ဆိုတာအတွက် MBA ဘွဲ့မဟုတ်လည်း အချိန်တို Business Management Diploma တွေက လုံလောက်တဲ့ Knowledge ပေးနိုင်ပါလိမ့်မယ်။ မိမိအတွက် အလိုအပ်ဆုံးလို့ထင်တဲ့ Diploma နှစ်ခု၊ သုံးခုကို ရွေးချယ် သင်ယူတာမျိုးပေ့ါ။

Product Management နဲ့ပတ်သက်ပြီး PM Course တွေတက်တာ၊ Blog တွေဖက်တာကလည်း Product Manager အလုပ်ရဖို့နဲ့ အလုပ်မှာအသုံးချဖို့ လိုအပ်တဲ့ Knowledge တွေကို ထိထိရောက်ရောက် ပေးနိုင်ပါလိမ့်မယ်။ ProductBaze ရဲ့ Product Blog တွေကို ပုံမှန်ဖတ်ဖို့ တိုက်တွန်းလိုပြီး၊ Product Management Course အနေနဲ့ ProductBaze ကဖွင့်လှစ်ထားတဲ့ PM Foundation Online Course ကိုလည်း တက်ရောက်နိုင်ပါတယ်။
Course Information: https://bit.ly/3dTmSLO

နောက်ထပ် ဖတ်ချင်တဲ့ Topic တွေရှိရင်လည်း ဒီ Google Form ကနေတဆင့် အကြံပေးနိုင်ပါတယ်။ ProductBaze မှ Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ ProductBaze အကြောင်း (၁) မိနစ်စာ မိတ်ဆက် post ကို ဒီ Link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။

Follow us on Facebook and Linkedin for the latest updates.

Comments

Popular Posts

SMART Goal ဘယ်လိုတည်ဆောက်မလဲ

Personal အတွက်ဖြစ်စေ၊ လုပ်ငန်းခွင်မှာဖြစ်စေ.. ရည်မှန်းချက်ကြီးမားတာ ကောင်းပေမယ့် ကိုယ်စိတ်ကူး ပေါ်ရာ ကိုယ်ဖြစ်ချင်ရာ ရည်မှန်းချက်တွေ ရမ်းသမ်းချမှတ်တာက လက်တွေ့မကျတဲ့၊ ချသာ ချမှတ်ထားပြီး အသုံးမဝင် Effective မဖြစ်တဲ့ ရည်မှန်းချက်တွေ ဖြစ်နေနိုင်ပါတယ်။ မဖြစ်နိုင်တဲ့ Goal နောက်ကိုလိုက်ရင်း ရင်းနှီးမြှုပ်နှံရတဲ့ အချိန်တွေ၊ ငွေကြေးတွေ၊ Resource တွေလည်း ဆုံးရှုံးမှုတွေဖြစ်စေနိုင်ပါတယ်။ “SMART Goal ဖြစ်ဖို့တော့ လိုမယ်နော်” ဆိုတဲ့ စကားမျိုး ကြားဖူးကြပါလိမ့်မယ်။ SMART Goal ဆိုတဲ့ concept ကို စီးပွားရေးလောက၊ Marketing အပြင် နယ်ပယ်အသီးသီးမှာ တွင်တွင်ကျယ်ကျယ်အသုံးပြုကြပါတယ်။ SMART Goal ဆိုတာ တိုတိုပြောရရင် တိကျရှင်းလင်းပြီး လက်တွေ့ကျတဲ့ Goal တွေချမှတ်ခြင်းလို့ ပြောနိုင်ပါတယ်။ မိမိ Business အတွက်၊ Product အတွက်၊ Team အတွက်၊ Personal အတွက် Goal တွေ ချမှတ်တဲ့အခါ လက်တွေ့ဖြစ်နိုင်ချေရှိတဲ့ ရည်မှန်းချက်ကို သေချာသတ်မှတ်ပေးနိုင်တဲ့ SMART Objective နည်းလမ်းကို သုံးကြည့်သင့်ပါတယ်။ SMART Goal ဆိုတာက ကိုယ့်ချမှတ်ရေးဆွဲမယ့် Goal တွေက S (Specific) - ဘာကိုရရှိအောင်လုပ်မယ်ဆိုတာ တိတိကျကျဖြစ်ရမယ် M (

ကိုယ့် Boss ကို ဘယ်လို Manage လုပ်မလဲ

“Manage My Boss” ဆိုတဲ့ ခေါင်းစဉ်ကြီးဖတ်လိုက်ရလို့ တမျိုးကြီးဖြစ်သွားမယ်ထင်ပါတယ်။ သို့ပေမယ့် ကျွန်တော် အခုပြောပြမယ့် “How to Manage your Boss” က Management အကြောင်း လေ့လာတဲ့အခါတွေမှာလည်း ပါဝင်လေ့ရှိသလို အပြင်လုပ်ငန်းခွင်မှာလည်း တကယ်အရေးပါတဲ့ ကိစ္စရပ်ပါပဲ။ ကိုယ်ကိုယ်တိုင်က Middle Management Level လို့ပြောကြတဲ့ Manager ဖြစ်နေမယ်၊ ကိုယ့်အောက်မှာ Team Members တွေရှိသလို၊ ကိုယ့်အပေါ်မှာလည်း ကိုယ် Report လုပ်ရတဲ့ Senior Manager သော်လည်းကောင်း၊ Head သော်လည်းကောင်း၊ C-Level သော်လည်းကောင်း ကိုယ့် Boss ရှိမယ်ပေ့ါ။ Management Term အရဆိုရင် ကိုယ့် Team ကို Manage လုပ်ရတာကို “Managing Down” or “Downward Management” လို့ ခေါ်ပြီး၊ ကိုယ့် Boss ကို Manage လုပ်တာကို “Managing Up” or “Upward Management”လို့ခေါ်ပါတယ်။ အဲ့တော့ အခုဆွေးနွေးမှာက Upward Management အကြောင်းပါ။ အိုကေ… ကိုယ့် Boss ကို ဘယ်လို Manage လုပ်တာလဲ??? ကိုယ်က Manage လုပ်ခံရမှာမဟုတ်ဘူးလား??? ကိုယ့်အတွက်ရော ဘယ်လို အကျိုးရှိမှာလဲ??? “Boss ကို Manage လုပ်တယ်ဆိုတာ ဘာလဲ” ကနေ စရအောင်ပါ။ Boss ကို Manage လုပ်တဲ့ အဓိက Goal က Boss ကို အပြည

Cross-Functional Team အကြောင်း တစေ့တစောင်း

Cross-functional Team ဆိုတာ အပြောလည်းများသလို အသုံးလည်းများပါတယ်။ Product Team တွေမှာလည်း Cross-functional Team ပုံစံကို တော်တော်များများ အသုံးပြုကြပါတယ်။ ProductBaze ဆောင်းပါးအချို့မှာလည်း ထည့်ရေးဖူးပြီး၊ Product Squad ဆောင်းပါးမှာ Squad တည်ဆောက်ပုံက Cross-functional Team ပုံစံကို အခြေခံတဲ့အကြောင်းရေးရင်းနဲ့ Cross-functional Team အကြောင်းလေးကိုပါ မိတ်ဆက်ပေးဖို့ ဖြစ်လာပါတယ်။ ပုံမှန် Organization တွေမှာ Department တွေ, Team တွေက လုပ်ငန်းသဘောသဘာဝ တူညီရာ (Tech, Marketing, Sales, Operation…) စသဖြင့် အသီးသီး ဖွဲ့စည်းထားကြပြီး ဖွဲ့စည်းပုံကလည်း အထက်ကနေ အောက် Hierarchy အတိုင်းဖြစ်ကြပါတယ်။ Decision တစ်ခုလိုအပ်ရင်လည်း Hierarchy အတိုင်း အပေါ်ကို ပြန်တက်ပြီး Request လုပ်ကြရသလို၊​ Company တစ်ခုထဲက Team အသီးသီးက အခြား Department တွေ ဘာလုပ်နေလဲဆိုတာ သိဖို့ ထင်သလောက် မလွယ်ကူပါဘူး။ Silos Team (တသီးတသန့် အလုပ်လုပ်တဲ့ Team) တွေ ဖြစ်လာပြီး Direction တွေ ညှိရခက်တတ်ပါတယ်။ Cross-functional Team ဆိုတာက Organization ထဲမှာ ကျွမ်းကျင်မှုမတူ (သို့မဟုတ်) ဌာနမတူတဲ့ လူတွေကို Team အနေနဲ့ဖွဲ့ပေးပြီး Project တစ်

အသုံးများတဲ့ Product Testing တွေ

Webinar တစ်ခုမှာ Product Testing တွေအကြောင်းထည့်ပြောတော့ နောက်ဆုံးအမေးအဖြေအချိန်မှာ အမေးခံရဖူးတာလေး မှတ်မှတ်ရရရှိလို့ပါ။ “A/B Testing ဆိုတာ Alpha Testing, Beta Testing ကို ပြောတာလား” ဆိုတဲ့ မေးခွန်းပါ။ သိတဲ့သူအတွက်တော့ ဘာမှမဆိုင်တဲ့ Testing တွေမှန်း တန်းသိနိုင်ပေမယ့် တစ်ဖက်မှာလည်း မေးလည်းမေးချင်စရာ အခေါ်အဝေါ်က ခပ်ဆင်ဆင်တူနေတာကိုးလို့ တွေးမိပါတယ်။ ဒါကြောင့် ဒီဆောင်းပါးမှာ မကြာမကြာလည်း ပြောဖြစ်ကြပြီး၊ အသုံးလည်းများ၊ အသုံးလည်းဝင်တဲ့ Alpha Testing, Beta Testing နဲ့ A/B Testing တို့အကြောင်းကို တီးမိခေါက်မိအောင် ရေးချင်ပါတယ်။ Feature Development တွေပြီးတဲ့အခါ Product Owner နဲ့ Development Team တွေ User Acceptance Testing (UAT) ကို အတူတကွ ပြုလုပ်ကြပါတယ်။ QA က အဓိက Test တာဖြစ်နိုင်ပေမယ့် အားလုံးက ပူးပေါင်းလုပ်ဆောင်ကြရတာပါ။ Product (သို့) Feature က UAT လည်းပြီးပြီ၊ Release လုပ်တော့မယ်လို့ စ Plan တဲ့အခါ Alpha Testing နဲ့ Beta Testing အခန်းကဏ္ဍဆီ ရောက်ပါတယ်။ Alpha Testing Alpha Testing ဆိုတာ လွယ်လွယ်ပြောရရင် ကိုယ့်လူနဲ့ကိုယ် အရင်စမ်းသပ်တဲ့ Testing အမျိုးအစားပါ။ မိမိရဲ့ Software

၅ မိနစ်စာ Product Roadmap

Product တစ်ခုစလုပ်ရင် အလိုအပ်ဆုံးက Product Roadmap လို့ပြောလို့ရမယ်။ Product Roadmap က မိမိ လုပ်မယ့် Product အကြောင်း Overview ပြောပြပေးနိုင်သလို၊ မိမိ Product Goal တွေကို ဘယ်လိုရောက်အောင် လျှောက်မလဲဆိုတာကို ချပြပေးလို့ပါပဲ။ Product Roadmap မရှိရင် ကိုယ်ထင်ရာ လုပ်မိနေနိုင်ပြီး မိမိ Goals တွေကို လက်လှမ်းမမှီနိုင်ဖြစ်သွားလိမ့်မယ်။ Product Roadmap ရှိတော့ ကိုယ့် Team Member တွေဖြစ်ဖြစ်၊ CEO ဒါမှမဟုတ် Investor တွေနဲ့ပဲပြောပြော အသုံးဝင်ပါလိမ့်မယ်။ ဒါဆို Product Roadmap ဘယ်လိုဆွဲရမလဲလို့မေးမယ် ။ အလုပ်အဖြစ်ဆုံး Product Roadmap Template ဆိုပြီးတော့မရှိပါဘူး။ မိမိ Roadmap ကို ကြည့်မယ့်လူပေါ်မူတည်ပြီး Roadmap ဒီဇိုင်းတွေကပြောင်းလဲရပါမယ်။ ဥပမာ… CEO က Timeline တွေနဲ့ ဘယ်နေ့ဘာ Feature ပြီးမှာလဲကို ကြည့်ချင်နေတဲ့အချိန် ကိုယ်က Feature List ပဲ သွားပြလို့မရပါဘူး။ Template မရှိပေမယ့် ဒီနေရာမှာ Share ပေးချင်တာက ကျွန်တော့် အတွက် အလုပ်ဖြစ်ခဲ့တဲ့ Roadmap Key Components တွေနဲ့ တခြား popular ဖြစ်တဲ့ Product Roadmap တွေကို ဝေမျှပေးသွားပါမယ်။ Product Roadmap မှာ အတွေ့အများဆုံးက Quarterly Roadmap (Q1,