Skip to main content

ကျွန်တော် Software Engineer ကနေ Product Manager ဘယ်လိုဖြစ်လာလဲ



ဒီဆောင်းပါးမှာတော့ Software Engineer တစ်ယောက်ကနေ Product Manager တစ်ယောက်အဖြစ် ဘယ်လို ကူးမလဲဆိုတာနဲ့ ပတ်သက်ပြီး ကျွန်တော်ဘယ်လိုကူးခဲ့လဲဆိုတဲ့ အဆင့်ဆင့်ကို ဝေမျှချင်ပါတယ်။ Q&A session တွေမှာလည်း ကျွန်တော် ဘာတွေလေ့လာခဲ့လည်းဆိုတာမျိုး အတွေ့အကြုံတွေကို အမေးခံရဖူးတော့ ဒီဆောင်းပါးရေးဖို့ စိတ်ကူးရတာပါ။

အရင်ဆုံး ဘယ်လို အလုပ်ပြောင်းမလဲ မရှင်းပြခင် Product Manager တစ်ယောက် အလုပ်က ဘာလဲဆိုတာကို အကျဉ်းချုံး ပြောပြပါမယ်။

Product Manager ဆိုတာ မိမိနဲ့ အတူအလုပ်လုပ်ရတဲ့ Business, Tech, UX တို့ရဲ့ Focus တွေကို စုပေးပြီး အလယ်ကနေ မိမိ Customer တွေရဲ့ Demand နဲ့ ချိန်ညှိ... Actionable Item တွေအဖြစ် ပြောင်းပေးရသူဖြစ်ပါတယ်။ ဥပမာ… Business က Food Delivery တစ်ခုလုပ်ချင်တယ်။ Tech က သူတို့ Delivery သမားတွေကို Track နိုင်တဲ့ App တစ်ခုလုပ်ပေးမယ်လို့ပြောတယ်။ UX က Customer တွေ သုံးလို့အဆင်ပြေအောင် Click သုံးချက်နဲ့ Order မှာလို့ရအောင်လုပ်ပေးမယ်ပေါ့။ Product Manager က အပေါ်မှာပြောထားတဲ့ Business, Tech, UX တို့ရဲ့ Focus တွေကို Prioritize လုပ်ပြီး Customer တွေအတွက် တကယ်လိုအပ်တဲ့ Feature တွေ၊ Product တွေဖြစ်အောင် ဆောင်ရွက်ပေးရမှာဖြစ်ပါတယ်။

Product Manager အကြောင်း အကြမ်းဖျင်းပြောပြီးတော့ Product Manager အလုပ် ဘယ်လိုပြောင်းမလဲပေါ့။ ကျွန်တော်ကတော့ Software Engineer ဘက်ကနေလာတော့ အဲ့ကနေ Product Manager ဘယ်လိုဖြစ်လာလဲ၊ ဘာတွေလုပ်ဖြစ်ခဲ့လဲ ဆိုတာကို ဝေမျှချင်ပါတယ်။ တခြား Background ရှိတဲ့လူတွေအတွက်လဲ အနည်းနဲ့အများတော့ အကျိုးရှိမယ်ထင်ပါတယ်

၁။ အွန်လိုင်းကနေ လေ့လာခဲ့တယ်။
Product Manager တစ်ယောက်ဖြစ်ချင်ရင် အဲ့အလုပ်က ဘာတွေလုပ်ရသလဲဆိုတာကို အရင်သိအောင်လုပ်ရပါမယ်။ သူများတွေအပြောများလို့ ကိုယ်လဲ သဘောကျတယ်ဆိုပြီး အလုပ်တန်းမလျှောက်ဖြစ်အောင် ရှောင်ပါ။ အနည်းဆုံး Product Manager တစ်ယောက်ရဲ့ နေ့စဉ်လုပ်ကိုင်ရတဲ့ အရာတွေ၊ Product Manager တစ်ယောက်သုံးတဲ့ Methodology တွေ၊ Tools တွေကို လေ့လာပါ။

အွန်လိုင်းက လေ့လာမယ်ဆိုရင်

Course တတ်မယ်ဆိုရင် (Free)

၂။ အလုပ်ခွင်မှာ အသုံးချခဲ့တယ်။
ဟုတ်ပါတယ်။ လေ့လာတာကတော့ လေ့လာလို့ရပါတယ်။ ဒါပေမယ့် ပြန်လည် အသုံးမချရင် ပညာတစ်ခုကို ရေရှည်မြဲဖို့ခက်ပါတယ်။ ကျွန်တော်ကတော့ Learn By Doing ကို ဘဝင်တွေ့တဲ့လူဆိုတော့ အလုပ်ခွင်ထဲမှာ ကြုံသလို လိုက်လုပ်ကြည့်တယ်။ တကယ့် Product Manager တွေရှိရင်လည်း သူတို့ လုပ်တယ့် အလုပ်တွေကို ကိုယ်လေ့လာထားတာတွေနဲ့ အံဝင်လားဆိုတာ ကြည့်ပြီး လေ့လာလို့ရပါတယ်။ Team မှာ လိုအပ်တဲ့ နေရာတွေဝင်ပါပေးလို့ရပါတယ်။ ဥပမာ...ကျွန်တော်က Software Engineer တစ်ယောက်၊ Feature အသစ်တစ်ခုအကြောင်း Brainstorm လုပ်နေကြတဲ့အချိန်မှာ Tech ဘက်က လုပ်နိုင် မလုပ်နိုင်တာတွေဘဲ ပြောမယ့်အစား၊ Customer ဘက်ကတွေးကြည့်တယ်။ တကယ်လိုချင်တာက ဒီ Feature လား၊ တခြား Workaround တွေကောရှိလားပေါ့။ အဲ့လို အသုံးချဖြစ်ခဲ့ရင် ကိုယ့် Skill ဘဲ တက်လာတာမဟုတ်ဘဲ၊ ကိုယ့်ကို အသိအမှတ်ပြုကြပြီး Product Manager Job Opportunity တွေရလာနိုင်မှာပါ။

၃။ Product Manager အလုပ်တွေလျှောက်ပါတယ်။
အကယ်၍ Product Manager ဖြစ်ပြီးပြီဆိုပါတော့။ ကျွန်တော်လုပ်ခဲ့တာကတော့ မိမိ လက်ရှိ အလုပ်ခွင်ကို လေ့လာခဲ့တာပါဘဲ။ ကိုယ်က Product Manager Career Path ကို သွားတော့မယ်ဆိုတော့ လက်ရှိ အလုပ်ခွင်က ကိုယ့်ကို ဘယ်လောက် Support လုပ်နိုင်လဲပေါ့။ အလုပ်ခွင်မှာ Product Manager Role တွေကို ကိုယ်သိထားတဲ့ Knowledge အရ မကျင့်သုံးသေးဘူး၊ မိမိကို လမ်းညွှန်ပေးနိုင်မယ့် လူတွေလည်း မရှိဘူးဆိုရင် အကြံပေးချင်တာတော့ ကိုယ်လိုတဲ့ Value ကိုပေးနိုင်တဲ့ အလုပ်ခွင်တွေကို ပြောင်းကြည့်ပါ။ အဲ့အတွက် Product Manager အလုပ်တွေကို လိုက်ရှာပါ။ Jobnet တို့ LinkedIn တို့မှာ Profile Update လုပ်ပြီး Job Apply ကြည့်ပါ။ အဓိကက ကိုယ့် Skill တွေကို Apply လုပ်လို့ရတဲ့ နေရာ၊ ကိုယ့် Skill တွေကို ထပ်တိုး ပေါင်းစည်းပေးမယ့် နေရာမျိုးကို ရွေးပါ။

၄။ MBA တစ်ခုယူခဲ့တယ်။ (OPTIONAL)
Software Engineer တုန်းက Product ရဲ့ HOW ကို တာဝန်ယူရတဲ့သူတွေဖြစ်ပြီး Product Manager တွေက Product ရဲ့ WHAT နဲ့ WHY ကို တာဝန်ယူရတဲ့ သူတွေဖြစ်ပါတယ်။ ပြောချင်တာက Product တစ်ခု ဘယ်လိုဆောက်မလဲဆိုတာ အာရုံစိုက်တာမျိုးမဟုတ်ပဲ ဘာတွေဖန်တီးရမလဲဆိုတာကို စဉ်းစားပေးရတဲ့သူတွေပါ။ အဲ့လို ဘာတွေဖန်တီးမလဲ စဥ်းစားတဲ့နေရာမှာ Business အကြောင်း၊​ Market အကြောင်းသိဖို့ လိုသလို၊ လုပ်မယ်/မလုပ်ဘူး ဆုံးဖြတ်ချက်တွေအတွက်လည်း Management Level တွေ၊ Business Side တွေနဲ့ ဆွေးနွေးရတော့ Business အကြောင်းသိဖို့၊ Business အခေါ်အဝေါ်တွေသိထားဖို့ လိုပါတယ်။ အဲ့ဒါကြောင့်လည်း မြန်မာပြည်မှာ ခေတ်စားတဲ့ General MBA တစ်ခုကို ကျွန်တော်ယူခဲ့ပါတယ်။ အနည်းဆုံးတော့ ဘွဲ့တစ်ခု အဖတ်တင်ပြီး ကိုယ့်လုပ်ငန်းခွင်ထဲမှာလည်း ပိုဝင်ဆံ့သွားတယ်ပေ့ါဗျာ။

ဒါကတော့ ကျွန်တော် Software Engineer Background ကနေ Product Manager အဖြစ်ပြောင်းလဲဖို့ ကြိုးစားခဲ့တဲ့ အတွေ့အကြုံတွေဖြစ်ပါတယ်။ တခြားအတွေ့ကြုံတွေ ဝေမျှချင်ရင်လည်း အောက်က Comment မှာ ရေးနိုင်ပါတယ်။

နောက်ထပ် ဖတ်ချင်တဲ့ Topic တွေရှိရင်လည်း ဒီ Google Form ကနေတဆင့် အကြံပေးနိုင်ပါတယ်။ ProductBaze မှ Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ ProductBaze အကြောင်း (၁) မိနစ်စာ မိတ်ဆက် post လေးကို ဒီ link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။

Follow us on Facebook and Linkedin for latest updates.

Comments

Popular Posts

SMART Goal ဘယ်လိုတည်ဆောက်မလဲ

Personal အတွက်ဖြစ်စေ၊ လုပ်ငန်းခွင်မှာဖြစ်စေ.. ရည်မှန်းချက်ကြီးမားတာ ကောင်းပေမယ့် ကိုယ်စိတ်ကူး ပေါ်ရာ ကိုယ်ဖြစ်ချင်ရာ ရည်မှန်းချက်တွေ ရမ်းသမ်းချမှတ်တာက လက်တွေ့မကျတဲ့၊ ချသာ ချမှတ်ထားပြီး အသုံးမဝင် Effective မဖြစ်တဲ့ ရည်မှန်းချက်တွေ ဖြစ်နေနိုင်ပါတယ်။ မဖြစ်နိုင်တဲ့ Goal နောက်ကိုလိုက်ရင်း ရင်းနှီးမြှုပ်နှံရတဲ့ အချိန်တွေ၊ ငွေကြေးတွေ၊ Resource တွေလည်း ဆုံးရှုံးမှုတွေဖြစ်စေနိုင်ပါတယ်။ “SMART Goal ဖြစ်ဖို့တော့ လိုမယ်နော်” ဆိုတဲ့ စကားမျိုး ကြားဖူးကြပါလိမ့်မယ်။ SMART Goal ဆိုတဲ့ concept ကို စီးပွားရေးလောက၊ Marketing အပြင် နယ်ပယ်အသီးသီးမှာ တွင်တွင်ကျယ်ကျယ်အသုံးပြုကြပါတယ်။ SMART Goal ဆိုတာ တိုတိုပြောရရင် တိကျရှင်းလင်းပြီး လက်တွေ့ကျတဲ့ Goal တွေချမှတ်ခြင်းလို့ ပြောနိုင်ပါတယ်။ မိမိ Business အတွက်၊ Product အတွက်၊ Team အတွက်၊ Personal အတွက် Goal တွေ ချမှတ်တဲ့အခါ လက်တွေ့ဖြစ်နိုင်ချေရှိတဲ့ ရည်မှန်းချက်ကို သေချာသတ်မှတ်ပေးနိုင်တဲ့ SMART Objective နည်းလမ်းကို သုံးကြည့်သင့်ပါတယ်။ SMART Goal ဆိုတာက ကိုယ့်ချမှတ်ရေးဆွဲမယ့် Goal တွေက S (Specific) - ဘာကိုရရှိအောင်လုပ်မယ်ဆိုတာ တိတိကျကျဖြစ်ရမယ် M (

Cross-Functional Team အကြောင်း တစေ့တစောင်း

Cross-functional Team ဆိုတာ အပြောလည်းများသလို အသုံးလည်းများပါတယ်။ Product Team တွေမှာလည်း Cross-functional Team ပုံစံကို တော်တော်များများ အသုံးပြုကြပါတယ်။ ProductBaze ဆောင်းပါးအချို့မှာလည်း ထည့်ရေးဖူးပြီး၊ Product Squad ဆောင်းပါးမှာ Squad တည်ဆောက်ပုံက Cross-functional Team ပုံစံကို အခြေခံတဲ့အကြောင်းရေးရင်းနဲ့ Cross-functional Team အကြောင်းလေးကိုပါ မိတ်ဆက်ပေးဖို့ ဖြစ်လာပါတယ်။ ပုံမှန် Organization တွေမှာ Department တွေ, Team တွေက လုပ်ငန်းသဘောသဘာဝ တူညီရာ (Tech, Marketing, Sales, Operation…) စသဖြင့် အသီးသီး ဖွဲ့စည်းထားကြပြီး ဖွဲ့စည်းပုံကလည်း အထက်ကနေ အောက် Hierarchy အတိုင်းဖြစ်ကြပါတယ်။ Decision တစ်ခုလိုအပ်ရင်လည်း Hierarchy အတိုင်း အပေါ်ကို ပြန်တက်ပြီး Request လုပ်ကြရသလို၊​ Company တစ်ခုထဲက Team အသီးသီးက အခြား Department တွေ ဘာလုပ်နေလဲဆိုတာ သိဖို့ ထင်သလောက် မလွယ်ကူပါဘူး။ Silos Team (တသီးတသန့် အလုပ်လုပ်တဲ့ Team) တွေ ဖြစ်လာပြီး Direction တွေ ညှိရခက်တတ်ပါတယ်။ Cross-functional Team ဆိုတာက Organization ထဲမှာ ကျွမ်းကျင်မှုမတူ (သို့မဟုတ်) ဌာနမတူတဲ့ လူတွေကို Team အနေနဲ့ဖွဲ့ပေးပြီး Project တစ်

ကိုယ့် Boss ကို ဘယ်လို Manage လုပ်မလဲ

“Manage My Boss” ဆိုတဲ့ ခေါင်းစဉ်ကြီးဖတ်လိုက်ရလို့ တမျိုးကြီးဖြစ်သွားမယ်ထင်ပါတယ်။ သို့ပေမယ့် ကျွန်တော် အခုပြောပြမယ့် “How to Manage your Boss” က Management အကြောင်း လေ့လာတဲ့အခါတွေမှာလည်း ပါဝင်လေ့ရှိသလို အပြင်လုပ်ငန်းခွင်မှာလည်း တကယ်အရေးပါတဲ့ ကိစ္စရပ်ပါပဲ။ ကိုယ်ကိုယ်တိုင်က Middle Management Level လို့ပြောကြတဲ့ Manager ဖြစ်နေမယ်၊ ကိုယ့်အောက်မှာ Team Members တွေရှိသလို၊ ကိုယ့်အပေါ်မှာလည်း ကိုယ် Report လုပ်ရတဲ့ Senior Manager သော်လည်းကောင်း၊ Head သော်လည်းကောင်း၊ C-Level သော်လည်းကောင်း ကိုယ့် Boss ရှိမယ်ပေ့ါ။ Management Term အရဆိုရင် ကိုယ့် Team ကို Manage လုပ်ရတာကို “Managing Down” or “Downward Management” လို့ ခေါ်ပြီး၊ ကိုယ့် Boss ကို Manage လုပ်တာကို “Managing Up” or “Upward Management”လို့ခေါ်ပါတယ်။ အဲ့တော့ အခုဆွေးနွေးမှာက Upward Management အကြောင်းပါ။ အိုကေ… ကိုယ့် Boss ကို ဘယ်လို Manage လုပ်တာလဲ??? ကိုယ်က Manage လုပ်ခံရမှာမဟုတ်ဘူးလား??? ကိုယ့်အတွက်ရော ဘယ်လို အကျိုးရှိမှာလဲ??? “Boss ကို Manage လုပ်တယ်ဆိုတာ ဘာလဲ” ကနေ စရအောင်ပါ။ Boss ကို Manage လုပ်တဲ့ အဓိက Goal က Boss ကို အပြည

အသုံးများတဲ့ Product Testing တွေ

Webinar တစ်ခုမှာ Product Testing တွေအကြောင်းထည့်ပြောတော့ နောက်ဆုံးအမေးအဖြေအချိန်မှာ အမေးခံရဖူးတာလေး မှတ်မှတ်ရရရှိလို့ပါ။ “A/B Testing ဆိုတာ Alpha Testing, Beta Testing ကို ပြောတာလား” ဆိုတဲ့ မေးခွန်းပါ။ သိတဲ့သူအတွက်တော့ ဘာမှမဆိုင်တဲ့ Testing တွေမှန်း တန်းသိနိုင်ပေမယ့် တစ်ဖက်မှာလည်း မေးလည်းမေးချင်စရာ အခေါ်အဝေါ်က ခပ်ဆင်ဆင်တူနေတာကိုးလို့ တွေးမိပါတယ်။ ဒါကြောင့် ဒီဆောင်းပါးမှာ မကြာမကြာလည်း ပြောဖြစ်ကြပြီး၊ အသုံးလည်းများ၊ အသုံးလည်းဝင်တဲ့ Alpha Testing, Beta Testing နဲ့ A/B Testing တို့အကြောင်းကို တီးမိခေါက်မိအောင် ရေးချင်ပါတယ်။ Feature Development တွေပြီးတဲ့အခါ Product Owner နဲ့ Development Team တွေ User Acceptance Testing (UAT) ကို အတူတကွ ပြုလုပ်ကြပါတယ်။ QA က အဓိက Test တာဖြစ်နိုင်ပေမယ့် အားလုံးက ပူးပေါင်းလုပ်ဆောင်ကြရတာပါ။ Product (သို့) Feature က UAT လည်းပြီးပြီ၊ Release လုပ်တော့မယ်လို့ စ Plan တဲ့အခါ Alpha Testing နဲ့ Beta Testing အခန်းကဏ္ဍဆီ ရောက်ပါတယ်။ Alpha Testing Alpha Testing ဆိုတာ လွယ်လွယ်ပြောရရင် ကိုယ့်လူနဲ့ကိုယ် အရင်စမ်းသပ်တဲ့ Testing အမျိုးအစားပါ။ မိမိရဲ့ Software

၅ မိနစ်စာ Product Roadmap

Product တစ်ခုစလုပ်ရင် အလိုအပ်ဆုံးက Product Roadmap လို့ပြောလို့ရမယ်။ Product Roadmap က မိမိ လုပ်မယ့် Product အကြောင်း Overview ပြောပြပေးနိုင်သလို၊ မိမိ Product Goal တွေကို ဘယ်လိုရောက်အောင် လျှောက်မလဲဆိုတာကို ချပြပေးလို့ပါပဲ။ Product Roadmap မရှိရင် ကိုယ်ထင်ရာ လုပ်မိနေနိုင်ပြီး မိမိ Goals တွေကို လက်လှမ်းမမှီနိုင်ဖြစ်သွားလိမ့်မယ်။ Product Roadmap ရှိတော့ ကိုယ့် Team Member တွေဖြစ်ဖြစ်၊ CEO ဒါမှမဟုတ် Investor တွေနဲ့ပဲပြောပြော အသုံးဝင်ပါလိမ့်မယ်။ ဒါဆို Product Roadmap ဘယ်လိုဆွဲရမလဲလို့မေးမယ် ။ အလုပ်အဖြစ်ဆုံး Product Roadmap Template ဆိုပြီးတော့မရှိပါဘူး။ မိမိ Roadmap ကို ကြည့်မယ့်လူပေါ်မူတည်ပြီး Roadmap ဒီဇိုင်းတွေကပြောင်းလဲရပါမယ်။ ဥပမာ… CEO က Timeline တွေနဲ့ ဘယ်နေ့ဘာ Feature ပြီးမှာလဲကို ကြည့်ချင်နေတဲ့အချိန် ကိုယ်က Feature List ပဲ သွားပြလို့မရပါဘူး။ Template မရှိပေမယ့် ဒီနေရာမှာ Share ပေးချင်တာက ကျွန်တော့် အတွက် အလုပ်ဖြစ်ခဲ့တဲ့ Roadmap Key Components တွေနဲ့ တခြား popular ဖြစ်တဲ့ Product Roadmap တွေကို ဝေမျှပေးသွားပါမယ်။ Product Roadmap မှာ အတွေ့အများဆုံးက Quarterly Roadmap (Q1,